| e-texts navigator |
| Wylie |
25b1 ཕབ་པའོ།། བཀའ་རྒྱ།། གཏེར་རྒྱ།། གཏད་རྒྱཿ@#།། རྒྱ་གར་སྐད་དུ།། རཏྣ་ཨ་མྲྀ་ཏ་ཐུ་ལ་ན་ཨ་ཨ་ནི་པི་སུ་སི་པ་ཏི་ཁ་ཚེ་ད་ཏན་ཏྲ།། བོད་སྐད་དུ།། རིན་པོ་ཆེ་བདུད་རྩི་བཅུད་ཐིགས
25b2 རིགས་དྲུག་གཡང་ས་གཅོད་པའི་རྒྱུད།། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་གོ་ཞིང་རྟོགས་པའི་དུས་གཅིག་ན།། འོག་མིན་གྱི་གནས་སེམས་ཉིད་བརྡལ་བ
25b3 ཆེན་པོ།། རིན་པོ་ཆེ་འོད་འབར་བའི་གཞན་ཡས་ཁང་ན།། སྟོན་པའི་རྒྱལ་པོ་སྐུ་གསུམ་དབྱེར་མེད་སྐྱེ་མེད་ཆོས་སྐུ་བཞུགས།། བསྟན་པའི་རྒྱལ་པོ་བདུད་རྩི་བཅུད་ཐིགས་རིགས་དྲུག་ཡང་ས་གཅོད་པ་ཐུགས་ལ
25b4 གནས།། འཁོར་གྱི་དམ་པ་རང་བཞིན་གྱི་འཁོར་དང་།། རང་བཞིན་ལ་ལྟ་བའི་འཁོར་དང་།། རྒྱུའི་བྱང་ཆུབ་སེམས་དཔའ་དང་།། ལམ་གྱི་བྱང་ཆུབ་སེམས་དཔའ་དང་།། འབྲས་བུའི་བྱང་ཆུབ་སེམས་དཔའ
25b5 དང་།། འདོད་པས་བསྡུས་པའི་འཁོར་དང་།། དོན་གྱིས་གཅིག་པའི་འཁོར་དང་།། ཉིད་ལས་མི་གཞན་པའི་འཁོར་རྣམས་དང་ཐབས་གཅིག་ཏུ་བཞུགས་སོ།། འདས་པ་དང་།། མ་འོངས་པ་དང་།། ད་ལྟ་བ་སྟེ།། དུས
25b6 གསུམ་དབྱེར་མེད་ཀྱི་དུས་སོ།། སྡུས་པ་པོ་རྡོ་རྗེ་སེམས་དཔས་བསྡུས་སོ།། དེའི་ཚེ་འཁོར་རྣམས་ཀྱི་ནང་ནས་རང་གསལ་ཁྱེའུ་ཆུང་སྟན་ལས་ལངས་ནས།། པུས་མོ་གཡས་པའི་ལྷ་ང་ས་ལ་བཙུགས་ཏེ།། ཐལ་མོ་སྦྱར
iiif viewer powered by OpenSeadragon
