| e-texts navigator |
| Wylie |
24b1 པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། རྒྱུད་འདི་སྐལ་ལྡན་ཇི་ལྟ་བུ་ལ་གཏད།། ཅེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། གཏད་དང་གདམས་པའི
24b2 གནས་བསྟན་གྱིས།། འཁོར་རྣམས་མ་ཡེངས་གུས་པས་ཉོན།། རྒྱུད་འདི་གཏད་པའི་སྐལ་ལྡན་ནི།། སྔོན་གྱིས་ལས་འཕྲོ་སྐལ་བ་ཅན།། སྦྱངས་པའི་འཕྲོ་སད་ཐེག་ཆེན་སྣོད།། བླ་མ་གཙུག་ཁུར་དམ་ཚིག་སྲོག་བཞིན
24b3 བསྲུང་།། གདམ་ངག་གཏེར་འཆང་འདོད་ཡོན་ཁར་མི་གཏོང་།། མི་འགྱུར་ཤེས་རབ་ཆེ་ལ་ནོར་རྫས་འཕངས་མེད་འབུལ།། དད་ཅན་སྡིག་ལ་འཛེམ་ལ་རྒྱུད་འདི་དག་ལ་གཏད།། དམ་ཉམས་སྣོད་མེད་ང་རྒྱལ་དྲེགས
24b4 པ་ཅན།། ཆེ་དྲེགས་དགེ་སྨོད་སྡིག་སྤྱོད་གཡོ་སྒྱུ་ཅན།། རིན་ཆེན་མེད་པར་གཡོ་སྒྱུ་ཐབས་ཀྱིས་འབྲེལ།། ཐོབ་ནས་སློབ་དཔོན་རྒྱབ་ཕྱོགས་མན་ངག་ཟོང་དུ་འཚོང་།། དེ་ལྟ་བུ་ཡི་སློབ་མ་ལ།། ཡུལ་འཁར་སྟེར་ཡང
24b5 མི་སྦྱིན་ནོ།། དེ་ལ་བྱིན་ན་དམྱལ་བར་འགྲོ།། ཞེས་གསུངས་སོ།། ནམ་མཁའ་ཉི་ཟླ་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། སྣོད་བཟང་ལ་རྒྱུད་གཏད་པ་དང་།། སྣོད་ངན་ལ་མི་སྦྱིན་པའི་གནས་བསྟན་པའི་ལེའུ་སྟེ
24b6 ཉི་ཤུ་རྩ་དྲུག་པའོ།། །། དེ་ནས་ཀུན་བྱེད་རང་གྲོལ་གྱིས།། བསྟན་པ་འབྱུང་བའི་དུས་ནི་ཇི་ཙམ་ན་ལགས།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། ཡང་སྙིང་ཉི་ཟླའི་སྙིང་པོ་འབྱུང་དུས
iiif viewer powered by OpenSeadragon
