| e-texts navigator |
| Wylie |
24a1 མེད་པས་མུ་མེད་མཐའ་ཡས་ཡིན།། དེ་ལྟར་འུབ་བསྡུས་གསུམ་དུ་ཤེས་པར་གྱིས།། བྱེ་བྲག་བཤད་པ་མི་ལང་ངོ་།། དེ་ལྟར་མིང་མེད་མཐའ་ཡས་རྒྱུད་ཀྱི་རྒྱལ་པོ་ཡིན།། ཞེས་གསུངས་སོ།། ནམ་མཁའ
24a2 ཉི་ཟླའི་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། རྒྱུད་ཀྱི་རྒྱལ་པོའི་དོན་བཤད་པའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། བདག་ཅག་འདུས་པའི
24a3 འཁོར་རྣམས་ལ།། རྒྱུད་ཀྱི་རྒྱལ་པོའི་མཚན་དོན་ཇི་ལྟར་བཟུང་།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། ནམ་མཁའི་ཆོ་འཕྲུལ་ནམ་མཁར་སངས་པ་ཡིས།། ནམ་མཁའ་རྒྱལ་པོ་བྱ་བར་ཟུང་།། ཀ
24a4 དག་འོད་གསལ་སྒྲིབས་གཡོགས་སངས་པའི་ཕྱིར།། ཉི་ཟླ་རྒྱལ་པོ་བྱ་བའི་རྒྱུད་དུ་ཟུང་།། ཆོས་རྣམས་མིང་མེད་མུ་མཐའ་གྲོལ་བའི་ཕྱིར།། མིང་མེད་མཐའ་ཡས་རྒྱུད་དུ་ཟུང་།། དུས་གསུམ་རྒྱུན་དུ་གནས་པའི
24a5 ཕྱིར།། སྙིང་པོ་རྒྱུན་ཆད་མེད་པའི་རྒྱུད་དུ་ཟུང་།། ཐེག་པ་ཀུན་གྱི་རྩ་བ་སྟོན་པའི་ཕྱིར།། ཐེག་པའི་རྒྱུད་ཆེན་བྱ་བར་ཟུང་།། ཐེག་པ་ཀུན་གྱི་ལ་འདའི་ཕྱིར། ལ་ཆེན་འདས་པའི་རྒྱུད་དུ་ཟུང་།། ཨ་ཏིའི་གོང་རྒལ་སྤྱི་ཏིའི
24a6 གཉའ་གཅོག་པས།། བཅུ་རྩེ་ཟོད་རྒལ་ཆེན་པོའི་རྒྱུད་དུ་ཟུང་།། ཞེས་གསུངས་སོ།། ནམ་མཁའ་ཉི་ཟླ་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། རྒྱུད་ཀྱི་མཚན་བཟུང་བའི་ལེའུ་སྟེ་ཉི་ཤུ་རྩ་ལྔ
iiif viewer powered by OpenSeadragon
