| e-texts navigator |
| Wylie |
22b1 བྲལ་བ།། སྟོད་ར་སྨད་ར་གཉིས་ལས་གྲོལ།། ཡུལ་སེམས་གཟུང་འཛིན་བདག་གཞན་ཆོས་ལས་གྲོལ།། དཔེ་དེ་བཞིན་སེམས་ཉིད་ཀྱི་རང་བཞིན་ཀྱང་།། དང་པོ་རྒྱུ་མེད།། བར་དུ་རྐྱེན་མེད།། ཐ་མ་གཉེན་པོས་མི
22b2 ཤིག་པ།། སྐྱེ་བ་མེད་པ།། འགག་པ་མེད་པ།། གཉིས་སུ་མེད་པ།། རང་གྲོལ་བ།། དངོས་པོ་མེད་པ།། མཚོན་དུ་མེད་པ།། བརྗོད་པ་ལས་འདས་པ།། མིང་མེད་པ།། བློ་ལས་འདས་པ།། ཡུལ་མེད་པ།། སེམས་མེད
22b3 པ།། བདག་མེད་པ།། གཞན་མེད་པ།། གཉིས་སུ་སྣང་ཕྱོགས་རིས་ལས་གྲོལ་བ།། མཐའ་དབུས་ལས་གྲོལ་བ།། ཁ་དོག་ལྔ་མེད་པ།། དགྲ་གཉེན་ཕྱོགས་རིས།། ཆགས་སྡང་སྤོང་ལེན།། དབྱེ་བསལ་དགག
22b4 བསྒྲུབ།། རྩིས་གདབ་བཅས་བཅོས།། བློ་བྱེད་པ་པོ་ལས་ཡོངས་སུ་འདས་སོ།། མུ་མེད་མཐའ་སྟོང་མིང་མེད་མུ་མཐའ་གྲོལ།། ནམ་མཁའ་རྒྱལ་པོ་རྒྱུད་ཆེན་ཡིན།། ཞེས་གསུངས་སོ།། ནམ་མཁའ་ཉི་ཟླའི་རྒྱལ་པོ་མུ
22b5 མེད་མཐའ་ཡས་ཀྱི་རྒྱུད་ལས།། ནམ་མཁའ་རྒྱལ་པོ་རྒྱུད་ཀྱི་དཔེ་དོན་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། ཉི་ཟླ་རྒྱལ་པོའི་རྒྱུད་ཀྱིས
22b6 ཇི་ལྟར་བསྟན།། ཅེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། ཉི་ཟླ་རྒྱལ་པོའི་དཔེ་ཡིས་ནི།། ཀ་དག་འོད་གསལ་སྟོན་པའི་དཔེ་རུ་བསྟན།། དཔེར་ན་ཉི་ཟླའི་སྙིང་པོ་ལ།། སྒྲིབ་གཡོགས་མ་གྲུབ་ཀ་ནས
iiif viewer powered by OpenSeadragon
