| e-texts navigator |
| Wylie |
21b1 སྒོམ་སྤྱོད་པའི་རྒྱལ་པོ་བཞིས།། ཨ་ཏི་མན་ཆད་ཐེག་པ་དགུ་ལས་ཁྱད་པར་འཕགས།། ཞེས་གསུངས་སོ།། ནམ་མཁའ་ཉི་ཟླའི་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། སྠི་ཏི་ཡང་ཏི་ཁྱད་པར་འཕགས་པའི་ལེའུ་སྟེ
21b2 ཉི་ཤུ་རྩ་གཅིག་པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། ནམ་མཁའ་ཉི་ཟླའི་རྒྱལ་པོ་མུ་མེད་མཐའ་ཡས་རྒྱུད།། བདག་ཅག་འདུས་པའི་འཁོར་རྣམས་ལ།། རྒྱུད་ཀྱི་མཚན
21b3 བཤད་ཟབ་པར་གསུང་དུ་གསོལ།། ཅེས་ཞུས་པ་དང་།། ང་ཡིས་རྒྱུད་ཀྱི་དོན་རྣམས་བཤད།། འཁོར་རྣམས་མ་ཡེངས་གུས་པས་ཉོན།། དེ་ལ་རྒྱུད་འདི་གསུམ་དུ་བཤད།། ནམ་མཁའ་རྒྱལ་པོའི་རྒྱུད་དང་གཅིག། ཉི
21b4 ཟླ་རྒྱལ་པོའི་རྒྱུད་དང་གཉིས།། བུད་མེད་མཐའ་ཡས་རྒྱུད་དང་གསུམ་མོ།། དེ་ནས་འཁོར་གྱིས་ཡང་ཞུས་པ།། ནམ་མཁའ་རྒྱལ་པོའི་རྒྱུད་ཀྱིས་ཇི་ལྟར་བཤད།། ཅེས་གསུངས་པ་དང་།། སྟོན་པས་འཁོར་ལ་བཀའ
21b5 སྩལ་པ།། ནམ་མཁའ་རྒྱལ་པོའི་རྒྱུད་ཀྱིས་ནི།། དངོས་པོའི་གནས་ལུགས་མཚོན་དཔེར་གསུངས།། མུ་མཐའ་གྲོལ་བའི་དོན་རྣམས་བསྟན།། དེ་ཡང་ཇི་ལྟར་བསྟན་ཞེ་ན།། དཔེར་ན་ནམ་མཁའི་རྒྱལ་པོ་ནི།། ཡོད་མ
21b6 མྱོང་ལ་མེད་མ་མྱོང་།། སྣང་མ་མྱོང་ལ་སྟོང་མ་མྱོང་།། འདོད་མ་མྱོང་ལ་རྩོལ་མ་མྱོང་།། གང་མ་མྱོང་ལ་བྲི་མ་མྱོང་།། ཟད་མ་མྱོང་ལ་འཕེལ་མ་མྱོང་།། བདེ་མ་མྱོང་ལ་སྡུག་མ་མྱོང་།། སྐྱེ་མ་མྱོང་ལ་འགག་མ
iiif viewer powered by OpenSeadragon
