| e-texts navigator |
| Wylie |
19b1 པ་ལ་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། བྱ་བྱེད་རྩོལ་བས་འཁོར་བར་འཁྱམ།། ཅི་ཡང་མ་བྱས་གྲོལ་བ་ཐོབ།། ཅི་ཡང་མ་སྤྱད་རང་སར་གྲོལ།། ཅི་ལའང་མ་ཆགས་ཡིད་མི་འཇུག། གང་ལའང་མ
19b2 ཞེན་འཛིན་ཆགས་གྲོལ།། སྣང་སྲིད་ཡུལ་ལ་དགག་བསྒྲུབ་མེད།། ཇི་ལྟར་རིག་ཀྱང་འདོད་པ་རྩིས་གདབ་མེད།། ཀྱེ་སྐལ་ལྡན་གྲོལ་བར་འདོད་པ་རྣམས། ཅི་ཡང་མ་བྱེད་དལ་བར་སྡོད།། རྩོལ་བསྒྲུབ་མ་བྱེད་ལྷུག
19b3 པར་ཞོག། བྱ་བ་མ་མང་ཀློང་དུ་ཉོལ།། ལྟ་བ་སྒོམ་པ་སྤྱོད་པ་མེད།། ཕྱལ་རྩེར་ཐོང་ལ་བདེ་བར་ཞོག། གཏད་མེད་དམིགས་མེད་བྱར་མེད་སྒྲུབ་ཏུ་མེད།། གང་དང་ཅི་ལའང་མི་སེམས་གང་ལ་ཡིད་མི་འཇུག། སྣང
19b4 སྲིད་འཁོར་འདས་ཡོད་མེད་རྟག་ཆད་ཀུན།། མ་བརྟགས་རང་སྣང་རང་སོར་བཞག་པས་གྲོལ།། ཆོས་སྤྱོད་མི་བྱེད་དལ་བའི་ངང་ལ་སྡོད།། དགེ་བཅུ་མི་སྤྱོད་མུ་མཐའ་གྲོལ་བར་འཇོག། བྱས་ཚད་བསྒྲུབས་ཚད་འཁོར
19b5 བར་འཁྱམ།། ཅི་ཡང་མ་བྱས་མ་བལྟས་མ་བསྒོམས་གྲོལ་བ་ཐོབ།། ཅེས་གསུངས་སོ།། ནམ་མཁའ་ཉི་ཟླའི་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། ཅི་ལ་མ་སྤྱད་པར་གྲོལ་བ་ཐོབ་པར་བསྟན་པའི་ལེའུ་སྟེ་བཅུ
19b6 དགུ་པའོ།། །། དེ་ནས་ཀུན་བྱེད་རང་གྲོལ་གྱིས། མིང་མེད་མཐའ་སྟོངས་སྟོན་པ་ལ།། ཡང་ཏི་ཉི་ཟླའི་སྙིང་པོ་རུ།། བརྒྱད་ཁྲི་བཞི་སྟོང་ཇི་ལྟར་རྫོགས།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ
iiif viewer powered by OpenSeadragon
