| e-texts navigator |
| Wylie |
18b1 ལ་བཀའ་སྩལ་པ།། རྟོགས་ན་གོལ་སྒྲིབ་མེད་མོད་ཀྱང་།། དེ་མ་རྟོགས་ཀྱི་གང་ཟག་ལ།། གོལ་སྒྲིབ་གཉིས་སྟོང་ལྔ་བརྒྱ་ཡང་།། ཚིག་འོག་གཅིག་ཏུ་བརྡར་ཤ་ཆོད།། སྐྱེ་མེད་མ་རྟོགས་གོལ་བ་ཡིན།། སྙིང་པོ་མིང་མེད
18b2 རྟོགས་པས་གོལ་དུ་མེད།། ཡེ་དག་མ་རྟོགས་སྒྲིབ་པ་ཡང་།། སྐྱེ་མེད་ཀ་དག་རྟོགས་པས་སྒྲིབ་ཏུ་མེད།། འགྲོ་དྲུག་སྐྱེས་འཁྲུལ་པ་ཡང་།། མི་སྐྱེ་སྐྱེ་བ་མི་ལེན་འཁྲུལ་དུ་མེད།། མདོར་བསྡུས་གསུམ་དུ་ཤེས་པར
18b3 བྱ།། ལྟ་བ་གོལ་སྒྲིབ་འཁྲུལ་དང་གསུམ།། དམ་ཚིག་གོལ་སྒྲིབ་འཁྲུལ་དང་གསུམ།། འཕྲིན་ལས་གོལ་སྒྲིབ་འཁྲུལ་དང་གསུམ།། ས་ཡི་གོལ་སྒྲིབ་འཁྲུལ་དང་གསུམ།། ཕྲ་བའི་གོལ་སྒྲིབ་འཁྲུལ་དང་གསུམ།། ཡེ་ཤེས
18b4 གོལ་སྒྲིབ་འཁྲུལ་དང་གསུམ།། རྒྱུད་ཀྱི་གོལ་སྒྲིབ་འཁྲུལ་དང་གསུམ།། ལུང་གི་གོལ་སྒྲིབ་འཁྲུལ་དང་གསུམ།། མན་ངག་གོལ་སྒྲིབ་འཁྲུལ་དང་གསུམ།། ལམ་གྱི་གོལ་སྒྲིབ་འཁྲུལ་དང་གསུམ།། ཐེག་པ་རེ་ལ་བཅུ
18b5 ཚན་བཅུ།། དེ་ལས་ཕྱེ་བས་ཉིས་སྟོང་ལྔ་བརྒྱ་ཡོད།། ཅེས་གསུངས་སོ།། གོལ་སྒྲིབ་ཅེས་པའི་ངེས་ཚིག་ཀྱང་།། གོང་མ་གོང་མའི་ཐེག་པ་ཡིས།། འོག་མའི་ཐེག་པར་ཞུགས་ན་གོལ།། དེས་ན་ཡས་གོལ་ཞེས་སུ
18b6 བཤད།། འོག་མ་འོག་མའི་ཐེག་པ་ཡིས།། གོང་མའི་ཐེག་པ་སྒྲིབ་པ་ཡིན།། དེས་ན་མས་སྒྲིབ་ཅེས་སུ་བཤད།། དཔེར་ན་ཤ་མོའི་གྲོད་རྗེ་མས་བཞིན།། དབྱེ་ན་བསམ་ལས་འདས་པ་སྟེ།། བསྡུ་ན་གྲོད་པར་འུབ་ཀྱིས
iiif viewer powered by OpenSeadragon
