| e-texts navigator |
| Wylie |
18a1 བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། མུ་མེད་མཐའ་ཡས་དོན་རྟོགས་ན།། གོལ་ས་འཁྲུལ་པ་ཡོད་དམ་མེད།། ཅེས་སྟོན་པ་ལ་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། མུ
18a2 མཐའ་ཡས་པའི་དོན་རྟོགས་ན།། གོལ་སྒྲིབ་འཁྲུལ་པ་གང་ཡང་མེད།། ཅེས་གསུངས་སོ།། དེ་ནས་འཁོར་གྱིས་སྟོན་པ་ལ།། རྟོགས་ན་གོལ་སྒྲིབ་འཁྲུལ་མེད་ཀྱང་།། དེ་ལྟར་མ་རྟོགས་སེམས་ཅན་ལ།། གོལ་སྒྲིབ
18a3 འཁྲུལ་པ་ཡོད་དམ་མེད།། ཅེས་སྟོན་པ་ལ་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། མིང་མེད་རྟོགས་ན་གོལ་སྒྲིབ་མེད་མོད་ཀྱང་།། དེ་ལྟར་མ་རྟོགས་སེམས་ཅན་ལ།། གོལ་སྒྲིབ་འཁྲུལ་པ་གསུམ་དུ
18a4 བཤད།། སྐྱེ་མེད་མིང་མེད་མ་རྟོགས་གོལ་ས་ཡིན།། ཡེ་དག་ཀ་དག་མ་རྟོགས་སྒྲིབ་པ་ཡིན།། འགྲོ་དྲུག་འཁྱམས་པས་འཁྲུལ་པ་ཡིན།། བསྡུས་ན་དེ་ལས་མེད་མོད་ཀྱང་།། དབྱེ་ན་བསམ་ལས་འདས་པར
18a5 གསུངས།། གཞན་དུ་རྒྱས་པར་གསུངས་པའི་ཕྱིར།། འདི་རུ་བྱེ་བྲག་མ་བཤད་དོ།། ཞེས་གསུངས་སོ།། ནམ་མཁའི་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། རྟོགས་ནས་གོལ་སྒྲིབ་མེད་ཀྱང་།། མ་རྟོགས་པ་ལ་གོལ
18a6 སྒྲིབ་འཁྲུལ་གསུམ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། མིང་མེད་ལ་ཟླ་ཇི་ལྟར་འཕགས།། ཞེས་ཞུས་པ་དང་།། སྟོན་པས་འཁོར
iiif viewer powered by OpenSeadragon
