| e-texts navigator |
| Wylie |
17a1 གསུངས་སོ།། མིང་མེད་མཐའ་སྟོངས་དོན་རྟོགས་ན།། ཚ་ཚྭ་ཆུ་གཏོར་གཏང་མི་དགོས།། མཆོད་ནི་གཉིས་སུ་མེད་པར་མཆོད།། རང་ནི་རང་བྱུང་ཡེ་ཤེས་རྟེན།། ཚ་ཚྭ་རང་གིས་སེམས་ལ་ཐོབ།། ཚ་ནི
17a2 སྐྱེ་མེད་སྙིང་པོ་སྟེ།། ཚ་ནི་ཀ་དག་འོད་གསལ་ལོ།། བཏབ་མི་གཉིས་སུ་མེད་པར་བཏབ།། མིང་མེད་མཐའ་བྲལ་ཚ་ཚ་ཡིན།། བློ་འདས་ཚ་ཚྭ་ཁྱད་པར་འཕགས།། ཞེས་གསུངས་སོ།། སེམས་ཀྱི་ཆུ་གཏོར་འདི་ལྟ་སྟེ།།
17a3 ཆུ་ནི་སྣང་བའི་ཆོས་ཀྱི་དཔེ།། སྣང་བ་རང་བཞིན་མེད་པའི་དཔེ།། གཏོར་ནི་རྟོགས་པའི་བྱིན་བརླབས་ཏེ།། སྣང་སྲིད་འཁོར་འདས་མུ་མཐའ་གྲོལ་བར་གཏོར།། ཆུ་ནི་སེམས་ཀྱི་མཚན་ཉིད་དེ།། མི་སྣང་རང་བཞིན
17a4 ཡོད་པའོ།། ཆུ་ལ་ཆུ་བུར་ཐིམ་ཞིང་ཉོན་མོངས་རང་གྲོལ་དངས།། སྣང་སྲིད་བཏགས་ཆགས་ཆོས་རྣམས་མ་ལུས་ཀུན།། གཏོར་ནི་དགག་བསྒྲུབ་སྤོང་ལེན་མེད་པར་གཏོར།། ཆུ་ནི་ངོས་བཟུང་མེད་པ་སྟེ།། གཏོར་ནི
17a5 རང་སངས་རང་གྲོལ་ཆེན་པོར་གཏོར།། ཅེས་གསུངས་སོ།། སྐྱེ་མེད་ཀ་དག་གཏོར་མ་ཚ་ཆུ་ཡིན།། སེམས་ཉིད་ཚ་ཚྭ་ཆུ་གཏོར་ཁྱད་པར་འཕགས།། ཞེས་གསུངས་སོ།། ནམ་མཁའ་ཉི་ཟླའི་རྒྱལ་པོ་མུ་མེད་མཐའ་ཡས
17a6 ཀྱི་རྒྱུད་ལས།། གཏོར་མ་ཚ་ཚྭ་ཆུ་གཏོར་མི་དགོས་པར་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། ལྷ་སྒོམ་སྤྱོད་པ་མི་དགོས་པར།། མིང་མེད་མཐའ
iiif viewer powered by OpenSeadragon
