| e-texts navigator |
| Wylie |
16a1 ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། དངོས་པོའི་གནས་ལུགས་རྟོགས་པ་ན།། སྡིག་གནས་བཤགས་སྨོན་ལམ་དགོས་མི་དགོས།། ཞེས་ཞུས་པ་དང་།། སྟོན་པས་འཁོར་ལ
16a2 བཀའ་སྩལ་པ།། དངོས་པོའི་གནས་ལུགས་རྟོགས་པ་ན།། སྡིག་བཤགས་ཚོགས་སོག་སྨོན་ལམ་མི་དགོས་སོ།། རང་སྐྱོན་ཀ་ནས་དག་པས་སྡིག་སྒྲིབ་བཤགས་སུ་མེད།། མི་དགེ་སྡིག་མ་སྤྱད་པས་བཤགས་རྒྱུ
16a3 མེད།། ཚོགས་གཉིས་ཡོངས་སུ་རྫོགས་པས་བསག་ཏུ་མེད།། གཞན་ལ་མི་སྨོན་རང་ལ་རྙེད་པས་སྨོན་ལམ་མེད།། སྨོན་པའི་སངས་རྒྱས་རང་ལས་རྙེད།། དེས་ན་སྨོན་ལམ་ཞེས་སུ་བཤད།། ཅེས་གསུངས་སོ།། ནམ
16a4 མཁའ་ཉི་ཟླའི་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། སྡིག་བཤགས་ཚོགས་སོག་སྨོན་ལམ་མི་དགོས་པར་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད
16a5 སྟོན་པ་ལ།། མུ་མཐའ་ཡས་པའི་དོན་རྟོགས་ན།། དབང་བསྐུར་དངོས་གྲུབ་གཏོར་མཚ་ཆུ་དགོས་མི་དགོས།། ཞེས་སྟོན་པ་ལ་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། མུ་མཐའ་ཡས་པའི་དོན་རྟོགས
16a6 ན།། དབང་བསྐུར་དངོས་གྲུབ་གཏོར་མ་ཚ་ཆུ་མེད།། དབང་བསྐུར་གཏོར་མ་ཚ་ཆུ་བྱེད་པ་ཐེག་པ་འོག་མ་ཡིན།། ང་ཡི་ཡང་ཏི་མུ་མཐའ་ཡས་པའི་དོན་རྟོགས་ན།། རང་དབང་རང་གིས་ཐོབ་པས་དབང་བསྐུར་ཞུས
iiif viewer powered by OpenSeadragon
