| e-texts navigator |
| Wylie |
15b1 གྲོལ་གྱིས།། མིང་མེད་སྤྱི་ཕུད་སྟོན་པ་ལ།། མིང་མེད་མཐའ་ཡས་རྟོགས་པ་ལ།། དཀྱིལ་འཁོར་ལྷ་བསྐྱེད་མཆོད་བསྟོད་དགོས་མི་དགོས། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། མིང་མེད་མཐའ
15b2 ཡས་རྟོགས་པ་ན།། དཀྱིལ་འཁོར་ལྷ་མཆོད་བསྟོད་མི་དགོས། དཀྱིལ་ནི་གཏིང་མཐའ་ཡས་པའི་དཀྱིལ།། འཁོར་ནི་མུ་མཐའ་གྲོལ་བའི་འཁོར།། དཀྱིལ་འཁོར་མིང་མེད་མཐའ་སྟོངས་ཡིན།། ལྷ་ནི་སྙིང་པོ་རང་བྱུང
15b3 ཡེ་ཤེས་ཆོས་ཀྱི་སྐུ།། ཀ་ནས་དག་པས་བསྐྱེད་མི་དགོས།། དངོས་མེད་ཡིན་པས་མཆོད་མི་དགོས།། རང་གསལ་འོད་དུ་འབར་བས་བསོད་མི་དགོས།། རང་གི་ལྷར་ནི་རང་མཆོད་པས།། དངོས་གྲུབ་སྐྱེ་མེད་ཀ་དག
15b4 རྟོགས།། སྟོན་པས་རྒྱལ་པོ་མིང་མེད་མཐའ་བྲལ་རྟོགས།། ལྷ་ཡི་རྒྱལ་པོ་ཀ་དག་མུ་མཐའ་གྲོལ།། དཀྱིལ་འཁོར་རྒྱལ་པོ་ཕྱོགས་བྲལ་མཐའ་རྣམས་གྲོལ།། དབང་གི་རྒྱལ་པོ་ཀ་དག་སྐྱེ་མེད་ཐོབ།། དངོས་གྲུབ་རྒྱལ་པོ
15b5 མིང་མེད་མཐའ་སྟོངས་འགྲུབ།། སྨོན་ལམ་རྒྱལ་པོ་སྙིང་པོ་ཆོས་སྐུ་ཐོབ།། སྡིག་བཤགས་རྒྱལ་པོར་བག་ཆགས་ཀ་ནས་དག། ཚོགས་སོག་རྒྱལ་པོར་ཆགས་མེད་མཐའ་རྣམས་སྟོངས།། འགྱོད་ཚངས་རྒྱལ་པོར་རང
15b6 སེམས་སྐྱེ་མེད་རྟོགས།། ཞེས་གསུངས་སོ།། ནམ་མཁའ་ཉི་ཟླའི་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། དཀྱིལ་འཁོར་ལྷ་བསྐྱེད་མཆོད་བསྟོད་མི་དགོས་པར་བསྟན་པའི་ལེའུ་སྟེ་བཅུ་གསུམ་པའོ།། །། དེ
iiif viewer powered by OpenSeadragon
