| e-texts navigator |
| Wylie |
15a1 ཉི་ཟླའི་སྒྲོན་མ་ཐོགས།། བདུད་རྩི་བཅུད་འདུས་ཁྲོགས་ཆོད་ཀྱིས།། ནོར་གྱི་སྙིང་པོ་སྙིང་ལ་ཆོངས།། ཟས་ཀྱི་སྙིང་པོ་ཁོང་དུ་ཆུད།། ཡུལ་གྱི་སྙིང་པོ་ཆོས་ཉིད་དབྱིངས་སུ་སྡོད།། བྱ་བ་མ་མང་སྙིང་པོའི
15a2 ཀློང་དུ་ཉོལ།། རྒྱུ་འགྲུལ་མ་མང་གདེང་ཆོས་ས་ལ་སྡོད།། འཇིགས་སར་མ་འགྲོ་བཙན་མཁར་རྩེ་ལ་སྡོད།། རླུང་ལ་མ་ཞོན་འཕྲང་ཆོད་ཟམ་འཕྲང་སྡོམ།། ཀྱེ་མ།། ཨ་ལེ་སྐལ་ལྡན་རིགས་ཀྱི་བུ།། དྲན་ནམ་སྐྱེས
15a3 སམ།། ཨེ་མ་ཡུན་རིངས་ནད་པ་བློ་བུར་རྐྱེན་བྱུང་ནས།། སྐྱེས་ཚད་གཅིག་ཀྱང་མི་སྡོད་ཤུལ་རིང་འགྲོ་ཙ་ན།། རྒྱགས་ཕྱེ་སྐྱེལ་མ་འགྲོ་སའི་གནས་བདོག་གམ།། ཀྱེ་མ་དེ་བས་ད་ལྟ་དབང་ཡོད་ཚེ།། ཟད་མེད་རྒྱགས
15a4 ཕྱིར་སེམས་ཉིད་ནོར་བུ་ཆོངས།། སྐྱེལ་མ་བླ་མ་ཡི་དམ་དམ་ཆོས་ཚོལ།། བསུན་མར་རང་སྣང་གྲོགས་པོ་ཚོལ། དགྲ་ལྔ་བྱུང་དོགས་གཉེན་ལྔ་ཚོལ།། འཇིགས་སར་རྣོ་བའི་མཚོན་ཐོགས་ལ།། ཁྱི་ཕག་བྱ་སྦྲུལ་ཁྲ་སྤྲེ
15a5 སོད།། ནམ་མཁའི་དབྱིངས་སུ་སྤོ་ལ་ཞོག། དགྲ་ལྔ་བྱུང་ན་དབང་ཡོད་སྐྱེལ་མས་ཐུལ།། ལམ་ནི་འོད་ལྔའི་གསང་ལམ་ཞུགས།། གནས་ཁང་མུ་མཐལ་གྲོལ་བར་སོང་།། སྡོད་ན་གཏིང་མཐའ་ཡས་པར་སྡོད།། ཉལ་ན
15a6 ཁ་གཏིང་མེད་པའི་ཀློང་དུ་ཉོལ།། ཅེས་གསུངས་སོ།། ནམ་མཁའ་ཉི་ཟླའི་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། གསང་སྔགས་བརྡས་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་ཀུན་བྱེད་རང
iiif viewer powered by OpenSeadragon
