| e-texts navigator |
| Wylie |
13b1 ཀྱི་ཐག་ཆོད་དོན་གྱི་རྩ་བ་ཟུང་།། རིན་ཆེན་སྣང་གསལ་འོད་ཀྱི་ཁང་པར་སྡོད།། རྒྱུ་འགྲུལ་མ་མང་ཁྱིལ་དུ་སྡོད།། འཇིགས་པར་དགྲ་ལ་མ་སྐུར་ཅིག། བདུད་རྩི་བཅུད་འཐུང་ཆོས་ཉིད་དབྱིངས་སུ་ཉོལ།། གསང་བ
13b2 བརྡ་ཡི་གནད་གོ་ན།། གཏིང་མཐའ་ཡས་ལ་མུ་མཐའ་གྲོལ།། ཆོས་ཉིད་མཐའ་སྟོངས་དོན་ཡང་རྟོགས།། མཐའ་བྲལ་ལྟ་བའི་ཕུགས་སུ་བསྐྱོལ།། བསམ་བྲལ་ཆོས་ཉིད་ཀློང་དུ་གྲོལ།། བྱ་བྲལ་རྣལ་མ་སོར་བཞག
13b3 རྟོགས།། ལྷུན་གྲུབ་རེ་དོག་རྩད་ནས་ཆོད།། ཐོབ་མེད་འདི་ལྟར་རང་སངས་རྒྱས།། ཡེ་ཤེས་གཏིང་རྫོགས་མཐའ་རྣམས་གྲོལ།། ཐིག་ལེ་མཐའ་བྲལ་ཆོས་སྐུ་རྟོགས།། ཞེས་གསུངས་སོ།། ནམ་མཁའ་ཉི་ཟླའི་རྒྱལ་པོ
13b4 མུ་མེད་མཐའ་ཡས་ཀྱི་རྒྱུད་ལས།། རྩོལ་བསྒྲུབ་བྱ་བཙལ་མི་དགོས་པར་བསྟན་པའི་ལེའུ་སྟེ་བཅུ་པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། མིང་མེད་མཐའ་ཡས་དོན
13b5 རྟོགས་ན།། ཐེག་པའི་བྱེ་བྲག་ཡོད་དམ་མེད།། ཅེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། མོང་མེད་མཐའ་ཡས་དོན་རྟོགས་ན།། ཐེག་པ་བློས་བཏགས་རྩོལ་བསྒྲུབ་ཡིན།། ཞེ་འདོད་བློས་བཏགས་ཆོས
13b6 ཀྱིས་སངས་མི་རྒྱ།། དེ་ཕྱིར་ཐེག་པའི་བྱེ་བྲག་མེད།། འོན་ཀྱང་མིང་མེད་མ་རྟོགས་རྟོག་གེའི་བློ་ཅན་ལ།། བློ་དམན་བྲོད་པ་བསྐྱེད་ཕྱིར་བྱེ་བྲག་དབྱེ།། སེམས་ཅན་དབང་པོའི་ཁྱད་པར་ལས།། བློ་ཁྱད་ཐེག་པ་དགུ་རུ
iiif viewer powered by OpenSeadragon
