| e-texts navigator |
| Wylie |
11b1 མིང་མེད་གྲོལ།། སེམས་པ་ཅི་སྟོ་རང་བཞིན་མེད།། འགྱུ་བ་ཅི་སྟེ་འཛིན་པ་མེད།། དྲན་རྟོག་ཅི་སྟོ་བྱུང་སར་གྲོལ།། སེམས་བློ་ཅི་སྟེ་དངོས་མེད་གྲོལ།། རྣམ་རྟོག་ཅི་སྟེ་རྟོག་མེད་གྲོལ།། འཁོར་བ་ཅི་སྟོ་མྱང་འདས
11b2 གྲོལ།། མ་རིག་ཅི་སྟོ་ཀ་དག་ཀློང་དུ་གྲོལ།། བློས་བཏགས་ཆོས་རྣམས་མཚན་བརྗོད་མེད་པར་གྲོལ།། ཐེག་མེད་འཇུག་སྒོ་ལྟ་སྒོམ་མེད་པར་གྲོལ།། གང་ལྟར་སྣང་ཡང་མི་འཛིན་མ་ཆགས་གྲོལ།། ཅི་ལྟར་འདུག་ཀྱང
11b3 མི་སྤྱོད་གྲོལ།། རིག་ཡིད་སེམས་བློ་དང་དངས་རང་གྲོལ་སངས།། སྐྱིད་པའི་ཚེ་ན་ཞེན་མེད་ཆགས་མེད་གྲོལ།། སྡུག་པའི་ཚེ་ན་མི་འཛིན་མི་བསྐྱོད་གྲོལ།། འགྲོ་ཞིང་འགྲོ་ཞིང་རང་སར་གྲོལ།། འདུག་ཅིང་འདུག་ཅིང
11b4 རང་སར་གྲོལ།། ཉལ་ཞིང་ཉལ་ཞིང་རང་སར་གྲོལ།། ཟ་ཞིང་ཟ་ཞིང་རང་སར་གྲོལ།། སྤྱོད་ལམ་རྣམ་བཞིར་མ་ཆགས་མ་ཞེན་གྲོལ།། དངོས་པོ་རྣམ་པ་སྣ་ཚོགས་ལ།། གང་ལའང་འདོད་པ་མེད་པས་ཅི་ལའང་སེམས
11b5 མ་ཆགས།། མིང་མེད་མཐའ་ཟད་དོན་རྟོགས་ཆོས་རྣམས་མེད།། དེ་ལྟར་གོ་ན་སྣང་ཡང་ཞེན་མེད་དགག་བསྒྲུབ་མེད་པར་གྲོལ།། རིག་ཀྱང་འཛིན་མེད་རང་སར་གྲོལ།། སེམས་ཀྱང་མི་ལྟོ་དང་དང་རང་སར
11b6 གྲོལ།། རྒོད་ཅིང་རྒོད་ཅིང་རང་སར་གྲོལ།། དགའ་ཞིང་དགའ་ཞིང་རང་སར་གྲོལ།། མི་དགའ་མི་དགའ་རང་སར་གྲོལ།། དེ་དག་ཐམས་ཅད་གཉིས་མེད་ཆེན་པོར་གྲོལ།། བརྟགས་ཆགས་ཆོས་རྣམས་མིང་མེད་ཆེན
iiif viewer powered by OpenSeadragon
