| e-texts navigator |
| Wylie |
9b1 རྒྱ་གར་སྐད་དུ།། ཛྙཱ་ཙ་ཀྲ་གུ་ཧྱ་ཧྲི་ད་ཨརྠ་ཏན་ཏྲ།། བོད་སྐད་དུ།། ཡེ་ཤེས་འཁོར་ལོ་གསང་བ་སྙིང་པོ་དོན་གྱི་རྒུད།། རང་སྣང་རིག་པའི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི
9b2 དུས་གཅིག་དུས་གཅིག་ན།། ཆོས་ཀྱིས་མཁའ་དབྱིངས་ཉིད་ཀྱི་ཀློང་།། འོག་མིན་གྱི་གནས་རང་སྣང་རིག་པའི་གཞལ་ཡས་ན།། བཅོམ་ལྡན་འདས་རིག་པའི་རྒྱལ་པོ་དགོངས་པ་རང་བྱུང་གོ་དོན་ལ་བཞུགས
9b3 སོ།། དེའི་ཚེ་རང་སྣང་རིག་པའི་འཁོར་དགོངས་པ་རང་སྣང་དང་ཐབས་ཅིག་ཏུ་བཞུགས་སོ།། འཁོར་གྱི་དམ་པ་རྡོ་རྗེ་སེམས་དཔས་ཞུས་པ།། རང་སྣང་རྣམ་དག་རང་བཞིན་ལ།། སྣ་ཚོགས་འབྱུང་བ་ཇི་ལྟར
9b4 ལགས།། ཞེས་ཞུས་སོ།། རིག་པའི་རྒྱལ་པོས་བཀའ་སྩལ་པ།། རང་སྣང་རྣམ་དག་རང་བཞིན་ལ།། སྣ་ཚོགས་འབྱུང་བ་བློ་ཡི་ཡུལ།། ངོ་བོ་ཉིད་ལ་གཟུང་འཛིན་མེད།། ཅེས་གསུངས་སོ།། དེ་ནས་རིག་པའི་རྒྱལ་པོ
9b5 ཡིས།། རྡོ་རྗེ་སེམས་དཔའ་ལ་འདི་སྐད་ཅེས་གསུངས་སོ།། རྒྱུ་རྐྱེན་མེད་པའི་རང་བྱུང་རྣམ་དག་ནི།། འཛིན་པའི་ཡུལ་མེད་ཞེན་པའི་མཐའ་ལས་གྲོལ།། བློ་ཡིས་མ་བཅོས་རང་བཞིན་ལྡན།། རིག་པའི་ཡུལ་མེད་རང
9b6 བྱུང་འཛིན་མེད་དང་།། རྣམ་རྟོག་མེད་པས་མཉམ་ཉིད་ཆོས་ཀྱི་སྐུ།། ཞེས་གསུངས་སོ།། དེ་ནས་རྡོ་རྗེ་སེམས་དཔའ་ཡིས་འདི་སྐད་ཅེས་གསོལ་ཏོ།། ཁྱོད་ནི་སྨྲ་བའི་སེང་གེ་སྟེ།། རང་སྣང་རྟོགས་པའི་དོན་ལྡན།
iiif viewer powered by OpenSeadragon
