| e-texts navigator |
| Wylie |
97a1 མེད་པར་འཆིའོ།། རིག་པ་འོད་ཀྱི་ཐིག་ལེ་ལ་སྒོམ་ཡེ་ནས་ཤར་བས། ཡུལ་སྣང་དུ་མ་གྲུབ་པས་མི་སྤྱོད། རང་ཡིན་པས་འབྲས་བུ་མི་འདོད། ཆོས་མིན་གྱི་སྐུ་ལ་བོགས་མི་འབྱིན། དབྱུང་དུ་འགྱུར་ས
97a2 མེད། ཡོད་ན་ཐུག་མེད་དོ། ཞེས་གསུངས་སོ།། རིག་པ་འོད་ཀྱི་ཐིག་ལེ་རང་གྲོལ་དུ།། སྟོན་པའི་དབུགས་མེད་ཉག་ཅིག་དགོངས་པའི་མཆོག། ལྟ་རུ་འདོད་ན་རྣམ་པར་དག། སྒོམ་དུ་བློ་ཡི་ཡུལ་ལས་གྲོལ།། སྤྱད་དུ
97a3 གཉིས་སྣང་མཐའ་ལས་འདས།། འབྲས་བུ་ཐོབ་ཏུ་ཡེ་ནས་གཏོར་བྲལ་མེད།། སྣང་སྲིད་ཁྱུར་གྱིས་མིང་དུ་གྲེ་བ་མེད།། འགྲོ་དྲུག་གཡང་ས་བཅད་དུ་ཡུལ་སྣང་ཉག་གཅིག་པོ་ལ་ཡེ་ནས་ཞེན་པས་འདོད་རྒྱུ
97a4 མེད།། བལ་ནག་ཡེ་ནས་གནག་པ་ལ།། ནག་པོ་འཕྲལ་ལ་སྒྲུབ་རྒྱུ་མེད།། ཡོད་ན་ནག་པོ་ཡིན་པར་ཐལ།། ཐ་སྙད་ཚིག་གིས་མཚོན་དུ་མེད།། ཐ་སྙད་ཉག་གཅིག་ངང་དུ་གཏོར།། ཞེས་གསུངས་སོ།། རྡོ་རྗེ་སེམས
97a5 དཔའི་སྤྱན་གྱི་རྒྱུད་ལས། རིག་པ་འོད་ཀྱི་ཐིག་ལེ་ངོ་སྤྲད་པས། ཉག་གཅིག་རང་སྣང་དུ་བསྟན་པའི་ལེའུ་སྟེ་ལྔ་པའོ།། །། ཡང་བཀའ་སྩལ་པ། རིགས་ཀྱི་བུ་འཁོར་འདས་ཐིག་ལེ་རང་གསལ་བསྟན་པར་བྱ
97a6 ཞེས་གསུངས་ཏེ། འཁོར་འདས་ཐིག་ལེ་བརྡ་བསྟན་པ། ཨོཾ་རྒྱན་གྱི་ཡུལ་འདོན་ནགས་འོད་མའི་ཚལ་ཞེས་བྱ་བ་ཡ་ཀི་ན། ཕ་བོང་ནག་པོ་གནམ་བབས་ཀྱི་འོག་ན། མཁའ་འགྲོ་མ་མཚོ་སྐྱེས་རྡོ་རྗེ་ཞེས་བྱ་བ། སྤྱན
iiif viewer powered by OpenSeadragon
