| e-texts navigator |
| Wylie |
96b1 སྟོང་པ་བསྐོར་བས། དུས་དེ་ཐམས་ཅད་དུ་ཉི་མོ་དང་མཚན་མོ་ངོ་མ་ཤེས་པ་ཅིག་གི་སྣང་བ་ཅིག་བྱུང་ངོ་།། དུས་ཐམས་ཅད་ཀྱི་མུན་པ་སྐད་ཅིག་མ་ལ་དངས་ཏེ་འོད་ཀྱི་གདངས་ལས་མ་འདས་པ་ཅིག་བྱུང་ཟེར་བ་དེ
96b2 ཡ་མཚན་ཆེ། རིག་པ་སྐྱོན་མེད་ཀྱི་ཡེ་ཤེས་ལ་འོད་ཟེར་གྱི་ཕུང་པོ་ཕྱོགས་ཐམས་ཅད་དུ་འཕྲོ་ཡོ།། དེའི་རྩ་བ་ཐབས་ཤེས་རབ་ཟུང་དུ་འབྲེལ་པ་ལྷག་མཐོང་རང་རིག་པའི་ཡེ་ཤེས་ཀྱིས་བརྒྱན་པ་ཅིག་ངོ་ཤེས་པས་ཆོག
96b3 པར་བསྟན་ཏེ། དེ་ལ་ངོ་སྤྲད་ན་སྣང་གྲགས་ཀྱི་ཆོས་ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ཐམས་ཅད་རིག་པ་འོད་ཀྱི་ཐིག་ལེར་འདུས་ཏེ། དེ་ཡང་ཐབས་ཤེས་རབ་ཏུ་འདུས་ཏེ། དེ་ཡང་ཟུང་དུ་འབྲེལ་བར་འདུས། དེ་ཡང
96b4 ལྷག་མཐོང་ཁོ་ནར་འདུས།། ལྷག་མཐོང་སུ་སྒོམ་སུ་ལྟ་སྤྱོད།། འབྲས་བུ་ཐོབ་པར་འདོད་མཁན་འཁྲུལ་གྱིས། འདོད་མཁན་འཁྲུལ། སྒོམ་མཁན་འཁྲུལ་པ་ལས། འོ་ན་གཞན་དུ་འཁྲུལ། མི་སྒོམ་སྒོམ་ན་མཉམ་པ
96b5 ཉིད་ལས་གོལ། མི་ལྟ་བལྟས་ན་རིག་པ་ལ་ཞེ་འདོད་འོང་བས་གོལ། མི་སྤྱོད་སྤྱད་ན་དམིགས་བྱ་བྱུང་བས་གོལ། འབྲས་བུ་མི་འདོད་འདོད་ན་རང་མ་ཡིན་པས་སྐྱོན་དུ་ཆེ་བས་གོལ། རེ་དོགས་ཀྱི་རྟ་ལ་ཉམས་མྱོང་གི
96b6 ལྕག་གིས་བྲབས་པས། བརྩོན་འགྲུས་ཀྱི་འདུན་པ་མངོན་དུ་བཏང་ནས། ཐིག་ལེ་ཡངས་པའི་བྱ་ཐང་ལ། ཕྱོགས་རིས་སུ་བཅད་པའི་ཐང་ཀ་ལ་ཕྱིན་ཏེ་བོར་བས་རང་སྡུག་རྟ་ཆད་ནས་ཡམ་ཁར་ཤི་ནས་དུར་རྒྱགས
iiif viewer powered by OpenSeadragon
