| e-texts navigator |
| Wylie |
96a1 འདས་སོ།། རིག་པ་དབུགས་མེད་ཀྱི་ཐིག་ལེ་དེ་སྒོམ་སྒྲུབ་འདུས་བྱས་ཀྱི་ཆོས་དང་ཚོགས་གཉིས་རྫོགས་པ་ནི་མ་ཡིན་ཏེ། དུས་ཐམས་ཅད་དུ་ཆོས་ལས་འདས་པའི་སྐུ་ཡིན་ནོ།། འབྱུང་བ་ཆེན་པོ་ལྔས
96a2 མི་བསྐྱེད་པས་རྒྱུས་མ་བསྐྱེད་པ་ཡིན་པས་ན། ཆོས་ལས་འདས་པའི་སྐུ་ཡིན་ནོ།། དུས་གསུམ་དུ་བདེ་བར་གཤེགས་པ་ཐམས་ཅད་པས་སྔ་བས་རིགས་ལྔ་ལ་སོགས་པའི་སངས་རྒྱས་ཐམས་ཅད་ཀྱིས་སྟོང་མ་ནུས
96a3 པས་རང་སྣང་བའི་ཐིག་ལེ་ཡིན་ནོ།། དུས་གསུམ་དུ་ཆུ་བོའི་རླབས་ཀྱིས་ཁྱེར་མ་ནུས་པས་རྒྱུ་རྐྱེན་གྱིས་ཕན་གནོད་མ་ནུས་པ་ཡིན་ནོ།། སེམས་ཀྱིས་གཏན་ལ་མ་ཕེབས་པས་སེམས་ལས་མ་བྱུང་བའི་ཡིན་ནོ།། སེམས
96a4 ནི་འདུ་འབྲལ་སྐྱོན་ཅན་ཡིན་ནོ།། མ་རིག་པ་ཡིད་རྣམ་ཤེས་བག་ཆགས་འདུས་ནས་ཀུན་གཞི་ཞེས་བྱ་བ་དབུགས་ཅན་ཡིན་ཏེ། ཀུན་གཞི་ཆོས་ཅན་ཡིན་ནོ།། སྐྱེ་འཇིག་ཅན་ཡིན་ནོ།། དེས་ན་གཞིས་དུས་ཐམས་ཅད
96a5 གནོད་པ་བསྐུལ་ལོ།། རིག་པ་དབུགས་མེད་ལ་ཕན་གནོད་ཅིར་མི་བཏུབ་བོ།། ཅེ་སྟེ་རྐྱེན་ཁར་མི་སྣང་བའི་ཕྱིར་རོ།། ཞེས་གསུངས་སོ།། རིག་པ་དབུགས་མེད་ཀྱི་ཐིག་ལེ་དང་སེམས་དབུགས་ཅན་དུ་ངོ་སྤྲད་པའི
96a6 ལེའུ་སྟེ་བཞི་པའོ།། །། ཡང་བཀའ་སྩལ་པ། རིག་པ་འོད་ཀྱི་ཐིག་ལེ་བསྟན་པ་ནི། པདྨ་འདབ་མ་སྟོང་དང་ལྡན་པའི་ཡུ་བ་ལ་ཉི་ཟླ་གཉིས་ཁ་སྤྲད་ནས་ཉལ་བས། བར་ནས་གཟའ་ལྷག་པ་ཅིག་བྱུང་ནས་པར་སྣང
iiif viewer powered by OpenSeadragon
