| e-texts navigator |
| Wylie |
95b1 ཆེ་འོད་ཀྱི་ཐིག་ལེ་ཆོས་མིན་གྱི་སྐུའི་ཡེ་ཤེས་ལ། སྒོམ་སྒྲུབ་ཀ་ནས་མ་གྲུབ་པའོ།། རིན་པོ་ཆེ་ཡིན་པས་ཐམས་ཅད་རང་ལ་ལྷུན་གྱིས་གྲུབ་པོ།། འོད་ཀྱི་གོང་བུ་ལྟ་བུ་ནི་མ་ཡིན་ཏེ་ཡོན་ཏན་ཐམས་ཅད་རང་ལ་གནས
95b2 སོ།། ཐིག་ལེ་ཡིན་ཏེ་རྒྱ་མ་ཆད་ཕྱོགས་སུ་མ་ལྷུང་ངོ་།། ཡིད་བཞིན་ཡིན་ཏེ་མཚན་མ་རང་སར་གྲོལ་ལོ།། ཞེས་གསུངས་སོ།། རྡོ་རྗེ་སེམས་དཔའ་སྤྱན་གྱི་རྒྱུད་ལས། རིན་པོ་ཆེ་འོད་ཀྱི་ཐིག་ལེ་ལ་ངོ་སྤྲད་པས་ཚོགས
95b3 དྲུག་ལྷུག་པ་གདམས་པའི་ལེའུ་སྟེ་གསུམ་པའོ།། །། ཡང་བཀའ་སྩལ་པ། རིག་པ་དབུགས་མེད་ཀྱི་ཐིག་ལེ་ལ་ངོ་སྤྲད་པ་བསྟན་པ་ནི། སྔོན་ཙམ་ན་དྲང་སྲོང་དྲི་མ་མེད་པའི་གྲོང་ཁྱེར་ན་ཤེལ་གྱི་མཆོད་རྟེན་ཅིག
95b4 ཡོད་དེ། འོད་ཀྱིས་ཕྱོགས་ཐམས་ཅད་ཁྱབ་པ་ཅིག་ཡོད་པ་ལས། དྲང་སྲོང་དེའི་ཡུལ་མིས་འོད་ལ་བལྟ་བལྟ་ནས། ཤེལ་གྱི་མཆོད་རྟེན་མ་མཐོང་ཟེར་ཏེ། མིག་རྡུལ་ལམ་དེ་ཇི་ལྟར་ཡིན་དེ་ངོ་མཚར་ཆེ། དེ་ནས་རི་རབ
95b5 ཏུ་སོང་བ་ན་དྲང་སྲོང་དེའི་ཉེ་གནས་པ་ཅིག་བྱུང་ནས། མཆོད་རྟེན་དེ་ཡུལ་མི་ཀུན་ལ་བསྟན་པས་དེ་ཕན་ཆད་མཆོད་རྟེན་མཐོང་བས་འོད་ཟེར་ཐམས་ཅད་མཆོད་རྟེན་ལ་ཚུར་འདུས་སོ།། རིག་པ་དབུགས་མེད་ཆེན
95b6 པོའི་ཐིག་ལེ་ལ། ཐིག་པ་ཆོས་མིན་གྱི་ཡེ་ཤེས་ལས། འགྱུ་བ་ཕྱོགས་མེད་དུ་ཤར་བ་ལས། སྣང་བ་འགག་པ་མེད་པ་ལ་ཡིན་པས་སྒོམ་གྲུབ་དགེ་བའི་རྩ་བ་ཅི་བྱས་ཀྱང་ཡུལ་ཡིན་པ་ཡིན་ཏེ། དངོས་ཆོས་ཅན་ལས་མ
iiif viewer powered by OpenSeadragon
