| e-texts navigator |
| Wylie |
95a1 པའི་ཁྱེའུ་ཆུང་ཉི་མའི་ཟེར་ལྟར་འཕྲོ།། འགག་སྒྲིབ་མེད་པར་ཡོང་བ་ལ།། སྤྲིན་ནག་ཆེན་པོ་ཅིག་བྱུང་ནས།། ཁྱེའུ་ཆུང་གི་རྐང་པ་བཀག་ཟེར་བ་དེ་ཡ་མཚན་ཆེ།། ཐིག་ལེ་ཁོང་གསལ་ཆོས་མིན
95a2 སྐུ།། རིག་པའི་ཟེར་གྱི་ཐིག་ལེ་ཕྱོགས་བཅུར་འཕྲོ།། ཕྱོགས་རིས་མེད་པར་ཡོངས་ལ་ཁྱབ་པ་ལ།། མ་རིག་འཁྲུལ་པས་མུན་པ་ཙམ་དུ་སྒྲིབས།། བདག་བློ་འཁྲུལ་པས་འཁོར་བའི་འདམ་དུ་ཚུད།། ཐིག་ལེ་ཆོས་མིན།
95a3 ཁོང་གསལ་ངོ་མ་ཤེས།། སྒོམ་དང་སྒྲུབ་པ་ཀ་ནས་མ་གྲུབ་ལ།། རྒྱ་ཆད་ཕྱོགས་ལྷུང་མེད་པ་བློ་རེ་བདེ།། ཞེས་གསུངས་སོ།། རྡོ་རྗེ་སེམས་དཔའ་སྤྱན་གྱི་རྒྱུད་ལས། ཐིག་ལེ་ཁོང་ནས་གསལ་བ་དང་མ་རིག་པའི་ཟེར
95a4 དུ་ངོ་སྤྲད་པའི་ལེའུ་སྟེ་གཉིས་པའོ།། །། ཡང་བཀའ་སྩལ་པ། འདོད་པའི་རྒྱལ་པོ་བུ་དྲུག་མ་མ་གཉིས། རྒྱ་མཚོའི་གླིང་ན་ནོར་བུ་རིན་པོ་ཆེ་འོད་འབར་བའི་བསེབ་ན་རྟ་ཅིག་འཚོ་ཡིན་ཡོད་པ་ལ། རྟ་དེ་ཕོ་སྤད
95a5 ཀྱིས་མ་ཐུབ་པས། ཕྱིའི་ལྷ་མོ་ལྔའི་གམ་དུ་ཤོར་བས། ཕྱིའི་ལྷ་མོས་ཀྱང་མ་ཐུབ། དེར་རྟ་ཚོམས་ཀྱིས་འཚོམས་པས། ཁྱེའུ་ལོ་གཅིག་ལས་མ་ལོན་པ་གཅིག་གིས་རྟ་དེ་ཐུབ་ནས་ནོར་དུ་སོང་བ་དེ་ཡ་མཚན་ཆེའོ།། རིན
95a6 པོ་ཆེ་འོད་འབར་བའི་ཐིག་ལེ་ངོ་མ་སྤྲད་ན་ཚོགས་དྲུག་ལྷུག་པའི་གདམས་པ་ཆད་དོ།། ཚོགས་དྲུག་རོལ་པའི་གདམས་པ་ཆད་ནས།། ཞི་བ་ཆོས་ཀྱི་སྐུའི་ངང་ལ་སྒོམ་པའི་ཉན་ཐོས་འགོག་པ་དང་ཁྱད་མེད་དོ།། རིན་པོ
iiif viewer powered by OpenSeadragon
