| e-texts navigator |
| Wylie |
94b1 དེའི་ཚེ་དེའི་དུས་ན། གནས་ཀྱང་མཁའ་འགྲོ་གླིང་། དུར་ཁྲོད་འབར་བའི་གཞལ་ཡས་ཁང་དུ། ཉིད་མངོན་པར་སྐུ་སྤྲུལ་ཏེ། ཆོས་ཉིད་བདེན་པས་བཀའ་བསྒོ་བ་མཛད་པས། ཐམས་ཅད་ཆོས་ཉིད་ལ་བཀོད། ལ་ལ
94b2 ནི་རྡོ་རྗེ་མཁའ་འགྲོར་སྐུ་ལྷམ། ལ་ལ་ནི་ལས་ཀྱི་མཁའ་འགྲོར་ཞལ་གྱིས་བཞེས། ལ་ལ་ནི་པདྨའི་མཁའ་འགྲོར་ཞལ་གྱིས་བཞེས། ལ་ལ་ནི་ཤ་ཟའི་མཁའ་འགྲོར་ཞལ་གྱིས་བཞེས། ལ་ལ་ནི་དམ་ཚིག་མཁའ་འགྲོར
94b3 ཞལ་གྱིས་བཞེས་སོ།། དེ་ནས་སྟོན་པ་རྡོ་རྗེ་སེམས་དཔའ་ཡིས་དབང་རིམ་པར་བསྐུར་རོ།། ཨོཾ་བུདྡྷ་ཌཱ་ཀི་ནི་བཛྲ་ཨོཾ་ཨཱཿཧཱུཾ། ཨོཾ་བཛྲ་ཌཱ་ཀི་ནི་ཨོཾ་ཨ.ཱཿཧཱུཾ། ཨོཾ་རཏྣ་ཌཱ་ཀི་ནི་ཨོཾ་ཨཱཿཧཱུཾ། ཨོཾ་པདྨ་ཌཱ་ཀི་ནི་ཨོཾ་ཨཱཿཧཱུཾ། ཨོཾ་ཀརྨ་ཌཱ
94b4 ཀི་ནི་ཨོཾ་ཨཱཿཧཱུཾ། ཞེས་དབང་བསྐུར་རོ།། ཐམས་ཅད་མཁའ་འགྲོ་མའི་དབང་དམ་པ་དང་ལྡན་ནས། ལ་ལ་ནི་བྲོ་རྡུང་། ལ་ལ་ནི་གར་བྱེད་དོ།། རྡོ་རྗེ་སེམས་དཔའ་སྤྱན་གྱི་རྒྱུད་ལས། མཁའ་འགྲོ་མ་ལ་དབང་བསྐུར
94b5 བའི་ལེའུ་སྟེ་དང་པོའོ།། །། དེ་ནས་མཁའ་འགྲོ་མ་རྣམས་ཀྱིས་ཡང་ཞུས་པ། བྱང་ཆུབ་སེམས་དཔའ་ཆེན་པོ་ཉིད།། བརྡ་དང་བརྡ་རུ་བརྒྱུད་པའི་ཆོས།། ཉིད་ཀྱི་ཞལ་ནས་བྱིན་རླབས་སུ།། བདག་ཅག་མཁའ
94b6 འགྲོ་མའི་ཚོགས་རྣམས་ལ།། ངེས་པར་མྱུར་དུ་བཤད་པར་ཞུ།། ཞེས་ཞུས་པ་དང་། རྡོ་རྗེ་སེམས་དཔའ་བཀའ་སྩལ་པ། ཀྱེ་ཀྱེ་མཁའ་འགྲོ་མ་རྣམས་ཉོན་ཅིག། ཉི་མ་འབུམ་དུ་གསལ་བའི་དཀྱིལ་འཁོར་ན།། རིག
iiif viewer powered by OpenSeadragon
