| e-texts navigator |
| Wylie |
94a1 འདེབས། བརྡ་ཆོས་ཡང་དག་པ་ཟང་བཅས་ཕུང་པོ་ལ་སྐུ་གསུམ་ངོ་སྤྲོད་ནས་འཇོག་པ། བར་མ་དོ་མེད་པར་སངས་རྒྱས་ཁོང་གསལ་དུ་སངས་རྒྱ་བ་འབྲས་བུ་དུས་ཟད་པས་ཐོབ་པ། ལས་ཀྱི་མཐའ
94a2 ཟད་པས་སངས་རྒྱ་བ། ཐམས་ཅད་དུ་ངོ་སྤྲོད་དུ་བསྟན་པ། གཞི་དང་། འཁྲུལ་ཚུལ། གནས་ཚུལ། ལྡོག་ཚུལ། ལོག་པ་རང་གི་མཚན་ཉིད་བསྟན་པ། ཐིག་ལེ་འདུས་པའི་རྒྱུད་རྫོགས་སོ།། །།
94a3 རྒྱ་གར་སྐད་དུ། ཏི་ལ་གུ་ཧྱ་ནཱ་མ་ཏནྟ་བོ་དྷི་ས་ཏྭ་ཙཀྵ་ཏནྟྲ་ནཱ་མ། བོད་སྐད་དུ། ཐིག་ལེ་གསང་བ་ཡང་གཏེར་ཞེས་བྱ་བའི་རྒྱུད། བྱང་ཆུབ་སེམས་དཔའ་སྤྱན་གྱི་རྒྱུད་ཅེས་བྱ་བ། དཔལ་ཀུན་ཏུ་བཟང
94a4 པོ་ལ་ཕྱག་འཚལ་ལོ།། འོག་མིན་ཆོས་ཀྱི་དབྱིངས་བདེ་བ་ཅན་དང་པདྨ་ཅན་གྱི་གནས། མངོན་པར་དགའ་བའི་ཚལ། བྱང་ཆུབ་མཐའ་ཡས་ཀྱི་ཕུག། འཇིགས་སུ་རུང་བ་སྤྱི་བུང་ཞེས་བྱ་བ་ན། དཔལ་རྡོ་རྗེ་སེམས
94a5 དཔའ་ཞེས་བྱ་བ་དེ་སྤྲུལ་ནས། རྡོ་རྗེ་མཁའ་འགྲོ་མ་མེ་ལོང་གདོང་ཞེས་བྱ་བ་དང་། གཙུག་གི་རྒྱན་ཅིག་མ་དང་། ཏི་རྟི་ཀ་དག། རྡོ་རྗེ་མཁའ་འགྲོ་མ་འོད་ལྡན་དང་། རོ་ཟ་ཐོད་པའི་འཕྲོག་དང་། ཟླ་བའི་འོད་ཟེར
94a6 དང་། དྲི་མ་མེད་དང་། དུང་སྐྱོང་མ་དང་། འོད་འབར་མ་དང་། ཀུན་གྱི་འགྲམ་དུ་བྱོན་ནས། ལ་ལ་ནི་སླབ་པ་འཛིན་དུ་བཅུག། ལ་ལ་ནི་སངས་རྒྱས་ཀྱི་ས་ལ་བཀོད།། ལ་ལ་ནི་འགགས་པའི་རྣལ་འབྱོར་ལ་བཀོད།
iiif viewer powered by OpenSeadragon
