| e-texts navigator |
| Wylie |
93a1 ཏུ་ཐོབ་པ་ཡིན། ནང་རིག་པ་ཁོང་གསལ་དུ་ཤེས་པས་ཐབས་དང་ཤེས་རབ་ཀྱི་སྤྱན་གསལ་བས། ཐབས་དང་ཤེས་རབ་ཀྱི་དབང་སྐད་ཅིག་མ་ལ་ཐོབ་པ་ཡིན། གསང་བ་ཕྱི་ནང་མེད་པར་ཆོས་སྐུ
93a2 མཁའ་ཁྱབ་ཏུ་རྟོགས་པས། གསང་བ་ཡེ་ཤེས་ཀྱི་དབང་སྐད་ཅིག་མ་ལ་ཐོབ་པ་ཡིན། དེ་རྣམས་བླ་མས་བསྟན་ན་མི་གོ་མི་སྲིད་པར་བསྟན་པས་ཚིག་དབང་རིན་པོ་ཆེའི་དབང་དུས་གཅིག་ལ་ཐོབ་པ་ཡིན་ནོ།། དབང
93a3 བསྐུར་བའི་ལེའུ་སྟེ་བཅུ་པའོ།། །། རང་བྱུང་ཡེ་ཤེས་ཆེན་པོ་ལ།། རང་གདངས་སྣ་ཚོགས་རིགས་ལྔ་སྣང་།། སྣང་བ་ཡིན་པར་ཐག་ཆོད་པས།། ལྷ་ཡི་བསྐྱེད་རིམ་སྐད་ཅིག་གིས་རྫོགས།། མ་བྲིས་དཀྱིལ
93a4 འཁོར་རང་སྣང་བས།། དཀྱིལ་འཁོར་གཞལ་ཡས་ཁང་སྒོམ་པ་སྐད་ཅིག་ཙམ་ལ་རྫོགས།། རྫོགས་པའི་ངང་ལ་མི་འདའ་བས།། དམ་ཚིག་ཐམས་ཅད་དུས་གཅིག་བསྲུངས།། ཡེ་ཤེས་ཁོང་གསལ་མི་འགྱུར
93a5 དྲན།། སྔགས་ཀྱི་འཛབ་འདྲེན་དུས་གཅིག་ཐོན།། དེ་ཡི་དོན་ལ་ཡེ་གནས་གསལ།། བསྲུང་མཚམས་ཐམས་ཅད་དུས་གཅིག་བསྲུངས་པ་ཡིན།། ལྷ་རྣམས་བསྐྱེད་དང་དཀྱིལ་འཁོར་སྒོམ་པ་དང་།། དམ་ཚིག་བསྲུང
93a6 དང་སྔགས་ཀྱི་འཕྲོ་འདུ་དང་།། བསྲུང་བ་མཚམས་ཀྱི་འཁོར་ལོ་བསྟན་པའི་ལེའུ་སྟེ་བཅུ་གཅིག་པའོ།། །། སྟོན་པ་གསུམ་གྱི་རྫ་མཁན་གྱི་བུ་མོ་ཐམས་ཅད་སྲོག་གཅད་ནས་གཅིག་པུ་རབ་ཏུ་ཆེ་བའི་ལྷའི་གམ
iiif viewer powered by OpenSeadragon
