| e-texts navigator |
| Wylie |
92b1 པ་ཡ་ཆ། ཡེ་ཤེས་ཁོང་གསལ་རྟོགས་པས་བསམ་དུ་མེད་པ་ཡ་ཆ། ཆོས་སྐུ་མཁའ་ཁྱབ་དྲངས་པར་ཆས་ཡིན་པས་བཙལ་དུ་མེད་པ་ཡ་ཆ། བསྒྲུབས་པས་མ་རྙེད་རང་ལ་ཡོད་པ་ཡ་ཆ། ཡེ་ཤེས་རང་གྲོལ་དུ་ཤར་ནས
92b2 སྟོན་པ་གསུམ་དུས་གཅིག་ལ་རྩོལ་སྒྲུབ་པ་མ་རྟེན་པར་སངས་རྒྱས་པ་ནི་ཡ་ཆ་གསུང་ངོ་།། སྟོན་པ་མར་མེ་མཛད་ཀྱི་ཞལ་ནས། ང་ནི་མཐའ་གཉིས་ཟད་པ་སྟེ་འབྱུང་བ་འོད་དུ་སྣང་བ་ནི་རང་གི་གདངས་ཡིན་པས།།
92b3 ཉོན་མོངས་བག་ཆགས་ལས་ཀྱི་སྒྲིབ་པའི་མཐའ་ཟད་པ་དེ་ཡ་ཆ། འཛིན་པ་ཡེ་ཤེས་ཁོང་གསལ་ཆེན་པོའི་རྩལ་དུ་ཤེས་པས། ཤེས་བྱའི་སྒྲིབ་པ་ལས་ཀྱི་མཐའ་ཟད་པ་དེ་ཡ་ཆ། ཆོས་སྐུ་མཁའ་ཁྱབ་དྲངས་པ་རང་ཆས
92b4 ཡིན། ལས་ཀྱི་སྒྲིབ་པ་མཐའ་ཟད་པ་ཡ་ཆ། ཕུང་པོ་བོར་བས་དུས་ཀྱི་མཐའ་ཟད་པ་ཡ་ཆ། བར་དོ་མེད་པར་ཡེ་ཤེས་ཁོང་གསལ་དུ་ཐིམ་པས། ལས་ཀྱི་མཐའ་ཟད་པ་ཡ་ཆ་གསུངས་སོ།། སྟོན་པ་གསུམ་གྱི་དགོངས
92b5 པ་མདོར་བསྡུས་པའི་ལེའུ་སྟེ་དགུ་པའོ།། །། རྩ་བ་ཐམས་ཅད་རང་བྱུང་ལ་འདུས་པས་རྩོལ་སྒྲུབ་ལས་འདས་པ་བསྟན་པ་ཡིན། ཡེ་ཤེས་ཁོང་གསལ་དུ་རྟོགས་པས་མཚན་མ་ཆོས་ལ་འདས་པ་ཡིན། ཆོས་སྐུ
92b6 མཁའ་ཁྱབ་ཏུ་འདུས་པས་འབྲས་བུ་མ་བསྒྲུབས་པར་སངས་རྒྱས་པར་བསྟན་པའོ།། ཕྱིའི་སྣང་བ་ལྷ་དང་ལྷ་མོ། བུམ་པ་བསྐྱེད་པའི་རིམ་པ་རང་སྣང་ཐོགས་མེད་དུ་ངོ་སྤྲད་པས། ཕྱིའི་དབང་ཐམས་ཅད་དུས་གཅིག
iiif viewer powered by OpenSeadragon
