| e-texts navigator |
| Wylie |
92a1 འདོགས་གཅོད་པའོ།། ཐབས་དང་ཤེས་རབ་ཀྱི་སྤྱན་ནི་ཐམས་ཅད་རང་གི་འདུག་ཚུལ་ལས་མ་འདས་པར་ཤེས་པའོ།། སྤྱན་གསུམ་ཁོང་དུ་ཆུད་པས་ཐེག་པ་རིམ་པ་བརྒྱད་ཀྱི་རྩོལ་སྒྲུབ་ཀྱི་ཆོས་དང་མུ
92a2 སྟེགས་རྟག་ཆད་དང་། རྫོགས་ཆེན་ཁ་འབྱམ་བཞི་ལ་དགོངས་པ་ལས་ཀྱི་དབང་མི་བཙན་ཟེར་བ་ལས་ཤན་ཕྱེ་སྟེ། ཆོས་སྐུ་མཁའ་ཁྱབ་དྲངས་པ་སྤྱན་གསུམ་འདུག་ཚུལ་གཅིག་ཏུ་བསྟན་པས་གྲོལ་བ་མཐར་ཕྱིན
92a3 པའོ།། ལྡོག་པའི་ངོ་སྤྲད་པའི་ལེའུ་སྟེ་བརྒྱད་པའོ།། །། ལོག་པ་རང་གི་མཚན་ཉིད་ནི། འདས་པ་གསུམ་དུ་ངོ་སྤྲད་པ་སྟེ། སྐུ་ལས་འདས་པའི་ཡེ་ཤེས་ཁོང་གསུམ། ཡུལ་ལས་འདས་པའི་ཆོས་སྐུ་མཁའ
92a4 ཁྱབ་དྲངས་པ། གཉིས་མེད་ལས་འདས་པའི་རིན་པོ་ཆེ་མན་ཤེལ་དྲངས་པའི་མཆོད་རྟེན་ལྟ་བུ། སྟོན་པ་གསུམ་གྱི་འཁོར་བར་འཁྱམས་པ་ཚོར་ནས་ཆོས་སྐུ་བཙལ་བར་བསམ་རྡུགས་ཀྱི་ལྷ་ཁང་དུ་སླེབ་ནས་འགྲོ་ས
92a5 མ་རྙེད་པ་དེ་ཡ་ཆ། ཐོག་མའི་སྟོན་པ་འོད་མི་འགྱུར་བས་གཅུང་པོ་གཉིས་ལ་བོས་པ། ཀྱེ་ཀྱེ་གྲོགས་པོ་བསམ་རྡུགས་ཀྱི་ལྷ་ཁང་དུ་སླེབ་པས་འགྲོ་ས་མེད་པ་ཡ་ཆ། ཆོས་སྐུ་མཁའ་ཁྱབ་དྲངས་པས་བཙལ་བ་ཡ་ཆ།།
92a6 ཆོས་སྐུ་བསྒྲུབས་པས་འབྲས་བུ་སྟོར་བ་ཡ་ཆ། རྩོལ་སྒྲུབ་མང་པོ་བྱས་པས་དྲི་མས་གཏུམས་པ་དེ་ཡ་ཆ། དེ་སྐད་ཅེས་གསུངས་པས། སྟོན་པ་འོད་སྲུངས་ཀྱི་ཞལ་ནས། རང་རིག་པ་རང་ལ་ཤར་བས་ཆོས་ལས་འདས
iiif viewer powered by OpenSeadragon
