| e-texts navigator |
| Wylie |
91b1 འཁྱམས་པ་ཡ་མཚན་ཆེ། འབྱེད་པ་མེད་པ་གཏི་མུག་རང་བཞིན་གྱི་སྟོན་པ། འགག་པ་མེད་པའི་ཞེ་སྡང་ངོ་བོ་ཉིད་ཀྱི་སྟོན་པ། རང་སྣང་ཆེན་པོའི་རྩལ་མི་འགག་པ་འོད་ཆགས་ཐུགས་རྗེའི་སྟོན་པ། རྩལ་འགག་པ
91b2 མེད་པ་དུག་ལྔ་ཐུགས་རྗེའི་རོལ་པ་མ་འགགས་པ་འགྲོ་དྲུག། རག་བཞིན་ཆོས་སྐུ། ངོ་བོ་ལོངས་སྐུ། ཐུགས་རྗེ་སྦྲུལ་སྐུ། སྐུ་གསུམ་འཁོར་བར་འཁྱམས་ཀྱང་སྙིང་པོ་ལ་འགྱུར་བ་མེད། འགྱུར་བ་མེད་པར་གནས
91b3 པའོ།། གནས་ལུགས་ལ་ངོ་སྤྲད་པའི་ལེའུ་སྟེ་བདུན་པའོ།། །། བསྐལ་པ་ཐ་མ་ལ་སྲས་གསུམ་གྱིས་འཐབས་པས་སྐད་ཅིག་མ་ལ་འཁོར་བ་ཐམས་ཅད་དུས་གཅིག་ཏུ་སྲོག་བཅད་ནས་མེ་ཆེན་གྱིས
91b4 བསྲེགས། རླུང་ཆེན་གྱིས་ཕྱགས་པ་དེ་ཡ་ཆ། ཡེ་ཤེས་ཆེན་པོའི་སྤྱན་གཉིས་འཛིན་མེད་པར་རང་གསལ། ཆོས་ཀྱི་སྤྱན་པར་དོ་མེད་པར་རང་གདངས། ཐབས་དང་ཤེས་རབ་ཀྱི་སྤྱན་ཅིར་སྣང་ཅིང་འཛིན་ཡེ་ཤེས། མ
91b5 བསྒྲུབས་མ་བཙལ་ཡིན་པའི་སྤྱན་གསལ་ལོ།། སྤྱན་གསུམ་ལ་སྐུ་གསུམ་ངོ་སྤྲད་པ་ནི། ཡེ་ཤེས་ཀྱི་སྤྱན་ཆོས་སྐུར་ངོ་སྤྲད། ཆོས་ཉིད་ཀྱི་སྤྱན་ལོངས་སྐུར་ངོ་སྤྲད། ཐབས་དང་ཤེས་རབ་ཀྱི་སྤྱན་སྦྲུལ་སྐུར་ངོ་སྤྲད། ངོ
91b6 སྤྲསྤྱད་པ་མན་ངག་གི་རྒྱུད་ཀྱི་འདུག་ཚུལ་ནི། ངོ་བོ་རང་བཞིན་ཐུགས་རྗེ་གསུམ་ལས་མ་འདས། སྤྱན་གསུམ་རང་ལ་གནས་པ་ནི་ཡེ་ཤེས་ཀྱི་སྤྱན་ནི་རིག་པའི་ཡེ་ཤེས་ལྷངས་ཀྱིས་རྟོགས་པའོ།། ཆོས་ཀྱི་སྤྱན་ནི་སྒྲོ
iiif viewer powered by OpenSeadragon
