| e-texts navigator |
| Wylie |
90b1 གའི་ངོ་སྤྲད་པ་བསྟན་པ་ནི། འཛིན་པའི་རིག་པ་ནི་ཀུན་ཏུ་བཟང་པོ། ཡུལ་རང་གདངས་ནི་ཀུན་ཏུ་བཟང་མོ། གཉིས་སུ་མེད་པ་ནི་བདེ་བ་འགག་མེད་དུ་ངོ་སྤྲད་པ་རྩོལ་བ་མེད་པར་སངས་རྒྱས་པར་བསྟན་པའོ།། མ
90b2 ཧཱ་དང་ཨ་ནུ་ངོ་སྤྲད་པའི་ལེའུ་སྟེ་བཞི་པའོ།། །། མན་ངག་རྫོགས་ཆེན་ཁ་འབྱམ་ལ་ངོ་སྤྲད་པ་ནི། རང་བཞིན་ལྷུན་གྱིས་གྲུབ་པའི་སྐུ། བརྡལ་ཁྱབ་ཆེན་པོ་ལ་སྒོམ་དང་མ་སྒོམ་གཉིས་སུ་མེད་ཡེ་ཤེས་སངས
90b3 རྒྱས་ཆེན་པོར་བསྟན་ནོ།། མན་ངག་ཨ་ཏི་ཡོ་ག་ཁ་འབྱམ་གྱི་ངོ་སྤྲད་པའོ།། ཡང་དག་པའི་ངོ་སྤྲད་པའི་ཐིག་ལེ་འདུས་པའི་ངོ་སྤྲད་པ་ནི་གསུམ་སྟེ། ཕྱི་སྣང་བ་ཐམས་ཅད་རང་བཞིན་འོད་གསལ་བ་ཞེས་བྱ་བ་གཞིའི
90b4 རང་གདངས་སུ་ངོ་སྤྲད་པས་སྒྲུབ་པ་མ་ཧཱ་ཡོ་གའི་རྩོལ་སྒྲུབ་དང་བྲལ་བར་བསྟན་ནོ།། རིག་པ་སྣ་ཚོགས་སུ་མི་འགག་པ་ཡེ་ཤེས་ཀྱི་རྩལ་ལས་མ་འདས་པར་ངོ་སྤྲད་པས་ལུང་ཨ་ནུའི་རྩོལ་སྒྲུབ་དང་བྲལ་བར་བསྟན
90b5 ནོ།། ཕྱི་ནང་སྣོད་བཅུད་ཐམས་ཅད་འཁྲུལ་པའི་དུས་སུ་ཡེ་ཤེས་ཀྱི་བཙལ་དུ་སྣང་ལ་གྲོལ་བའི་དུས་ན་བཙལ་དུ་སྣང་བ་ངོས་ཟིན་ལ། འཆི་ཁའི་དུས་སུ་ཡེ་ཤེས་ཁོང་གསལ་དུ་སངས་རྒྱས་པར་བསྟན་པའོ།། འབྲས
90b6 བུ་བར་དོར་ཐོབ་ཏུ་མེད་པར་བསྟན་པས་ཐམས་ཅད་རང་གྲོལ་རང་སངས་རང་ཤར་གཉིས་འཛིན་ལས་འདས་ཏེ། དེའི་ཚེ་དེའི་དུས་ན་རང་གྲོལ་བའི་སངས་རྒྱས་ཀྱི་དགོངས་པ་འདུས་པ་ཞེས་བྱའོ།། ཡང་དག་པའི
iiif viewer powered by OpenSeadragon
