| e-texts navigator |
| Wylie |
8b1 ཁྲི་བཞི་སྟོང་ང་ཡི་ཆོ་འཕྲུལ་ཡིན།། སྣ་ཚོགས་ང་ཡིས་བྱས་པ་སྟེ།། ང་ཡི་རང་བཞིན་བྱེད་པ་ཀུན་ལས་རྒྱལ།། ཅེས་གསུངས་སོ།། ཡེ་ཤེས་འཁོར་ལོ་གསང་བ་ལས།། རྫོགས་ཆེན་བྱ་བ་བཏང་བའི་ལེའུ་སྟེ་བཅུ་གཅིག
8b2 པའོ།། །། དེ་ནས་རིག་པའི་རྒྱལ་པོས་བཀའ་སྩལ་བས།། རྫོགས་ཆེན་རང་སྣང་ཆོས་ཉིད་འདི།། དགོངས་པ་ཀུན་གྱི་མཆོག་ཡིན་པས།། འདོད་པའི་སྩོལ་བས་སྒྲུབ་ཏུ་མེད།། འདོད་པའི་རང་བཞིན་སྒྲུབ
8b3 དོད་བ།། རྡོ་ལ་གསེར་དུ་འདོད་པའོ།། གསེར་འདོད་རྡོལ་རེ་བ་མེད།། རྟོག་པ་མ་ཆོད་བདེ་བ་ཡང་།། རྟོག་མེད་ངོ་བོ་མཐོང་བ་མེད།། འཛིན་པ་དུ་མ་རང་གྲོལ་ན།། ཡང་དག་སྩོལ་བས་སྒྲུབ་ཏུ་མེད།། སྩོལ་མེད
8b4 དོན་ལ་གནས་པ་ནི།། བྱང་ཆུབ་མཆོག་ལ་གནས་པ་ཡིན།། སློང་ལེན་མེད་པའི་སྣང་བ་རང་སོ་ལ།། དབུས་མཐའ་མི་དམིགས་རྣམ་པར་རྟོག་དང་བྲལ།། ཡེ་ཤེས་རྣམ་དག་ལྷུན་གྲུབ་ཆེན་པོ་ལ།། རེ་དོགས་མེད་པར
8b5 ཆོས་ཉིད་རང་ལ་གསལ།། རང་བྱུང་རིག་པ་སངས་རྒྱས་ཡིན་ཤེས་ན།། གཞན་ལ་རྟེན་ཅིང་བསྒྲུབ་པ་འཁྲུལ་པའི་ལམ།། སངས་རྒྱས་ཉིད་ཀྱིས་སངས་རྒྱས་ཉིད་ཚོལ་བ།། རྒྱ་མཚོའི་ནང་ནས་སྨིག་སྒྱུའི་ཆུ་ལ
8b6 འགྲོ།། དེས་ན་གསང་རྒྱས་རེ་འདོད་གཞན་ན་མེད།། དབྱེ་གསལ་བླང་དོར་མེད་པ་དམ་པ་ཡིན།། ཆོས་སྐུ་ཡེ་ནས་རྣམ་པར་དག་པ་ལ།། སྣང་བ་ཞེན་པ་མེད་པའི་སྤྱོད་པ་མཆོག། ཐེག་ཆེན་ནམ་མཁའི་ཀློང་ནས་ཉི
iiif viewer powered by OpenSeadragon
