| e-texts navigator |
| Wylie |
8a1 ཞེན་པ་ལྡོག། དྲན་པ་ཀུན་ཡང་ཡེ་ཤེས་རང་སར་གནས།། མཉམ་ཉིད་རང་གྲོལ་ཆེན་པོ་ཡིན།། ཞེས་གསུངས་སོ།། ཡེ་ཤེས་འཁོར་ལོ་གསང་བ་ལས།། ཐེག་པའི་བྱེ་བྲག་ལ་བཟླ་བའི་ལེའུ་སྟེ་བཅུ
8a2 པའོ།། །། རིག་པའི་རྒྱལ་པོས།། རྡོ་རྗེ་སེམས་དཔའ་ལ་གསུངས་པ།། གཞི་བཞག་རང་བྱུང་ཆེན་པོ་ལ།། བག་ཆགས་འཁྲུལ་པ་ཀ་ནས་དག། འཛིན་པའི་ཞེན་པ་བྱ་བ་བཏང་།། སྣ་ཚོགས་བློས་བཟུང་ལྟ་བ
8a3 དང་།། མ་ཚོར་ཡིད་ལ་བྱེད་པ་དང་།། བཏང་སྙོམས་ལྟེངས་པའི་མུན་པ་དང་།། ཞི་འདོད་ཡིད་ལ་བྱེད་པ་ཀུན།། འབྲེལ་མེད་ནམ་མཁའ་ལྟ་བུའི་དོན།། ཞེན་མེད་རང་བྱུང་ཡེ་ཤེས་ལ།། ཞེན་པ་མེད་པས་བྱ་བ
8a4 བཏང་།། ཡེ་ནས་རང་བཞིན་དག་པ་ཡི།། གཞི་ལ་འཁྲུལ་པའི་བྱ་བ་བཏང་།། དབང་པོ་བཟུང་བའི་ཡུལ་དང་ནི།། དམིགས་པ་རྐྱེན་གྱི་བྱ་བ་བཏང་།། ཡིན་ཚུལ་བློ་ཡིས་བྱ་རུ་མེད།། སྣང་ཚལ་རྐྱེན་གྱིས་ཇི་ལྟར
8a5 སྣང། རྟོགས་ཚུལ་རང་བཞིན་མེད་པར་རྟོགས།། གྲུབ་མཐའ་བློ་ཡིས་བྱ་བ་བཏང་།། དཔེར་ན་ཉི་མའི་སྙིང་པོ་ཡང་།། མུན་མེད་འོད་ཀྱིས་རང་བཞིན་ཡིན།། དེ་བཞིན་སངས་རྒྱས་རང་བཞིན་ཡང་།། སྩོལ་མེད
8a6 འཁྲུལ་པ་གཞི་ནས་དག། སྣང་མེད་དོན་དང་ལྡན་པ་ནི།། རྡོ་རྗེ་སེམས་དཔའི་དགོངས་པ་ཡིན།། དུས་གསུམ་འགྱུར་བ་མེད་པས་མཉམ་གཞག་རྗེས་ཐོབ་མེད།། ཐིག་ལེ་ཉག་གཅིག་གཅིག་ལས་མེད་པ་ལ།། བརྒྱད
iiif viewer powered by OpenSeadragon
