| e-texts navigator |
| Wylie |
89b1 ཐོག་མའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ།། རྒྱུད་ཐམས་ཅད་ཀྱི་སྙིང་པོ། ལུང་ཐམས་ཅད་ཀྱི་རྩ་བ། མན་ངག་ཐམས་ཅད་ཀྱི་ཉིང་ཁུ། གསང་བ་བས་ཀྱང་ཆེས་གསང་བ། ཀུན་ཏུ་བཟང་པོ
89b2 མ་འཁྲུལ་པའི་དགོངས་པ། གཞི་འདུག་ཚུལ་འཁོར་བ་དོང་སྦུགས་སུ་སྟོན་པ། རྒྱུད་ཉི་ཤུ་རྩ་ལྔའི་རྩ་བ། མན་ངག་སུམ་བརྒྱ་རྩ་གཉིས་ཀྱི་རྩ་བ། ཕྱི་ནང་གསང་བ་གསུམ་གྱི་ཡང་ཞུན། ཐིག་ལེ་འདུས་པ་སངས་རྒྱས
89b3 འོད་དཔག་ཏུ་མེད་པ་དང་། འོད་སྲུངས་དང་། མར་མེ་མཛད་གསུམ་ཀྱི་དགོངས་པ་གཅིག་ཏུ་བསྟན་པ། སངས་རྒྱས་ཐམས་ཅད་ཀྱི་དགོངས་པ་བསྡུས་པ། ཐིག་ལེ་འདུས་པའི་རྒྱུད་ཅེས་བྱ་བ། འཁོར་བརྒྱ་ཐེག་ཏུ
89b4 བསྟན་པའི་ཕྱིར། སྒྲུབ་པ་མ་ཧཱ་ཡོ་ག་ལ་ངོ་སྤྲད་པ་དང་། ལུང་ཨ་ནུ་ཡོ་ག་ལ་ངོ་སྤྲད་པ་དང་། མན་ངག་ཨ་ཏི་ཡོ་ག་ལ་ངོ་སྤྲད་པ་དང་། ཡང་དག་པའི་མན་ངག་ཐིག་ལེ་འདུས་པ་མ་བུ་ལ་ངོ་སྤྲད་པ་དང་། རྩ་དང་། རླུང
89b5 དང་། ཐིག་ལེ་ལ་ངོ་སྤྲད་པ་དང་། བརྡའི་ངོ་སྤྲད་པ་དང་། འཁྲུལ་གཞིའི་ངོ་སྤྲད་པ་དང་། གནས་པའི་ངོ་སྤྲད་པ་དང་། ལྡོག་པའི་ངོ་སྤྲད་པ་དང་། ལྡོག་པ་རང་གི་མཚན་ཉིད་གནས་ལུགས་ལ་ངོ་སྤྲད་པའི་ངོ་སྤྲད
89b6 པའོ།། རྩ་བ་མདོར་བསྡུས་པའི་ལེའུ་སྟེ་དང་པོའོ།། །། ཐོག་མ་མེད་པའི་དུས་ཉིད་ན།། གནས་མེད་ངོ་བོ་ཉིད་ཀྱི་གནས།། སྟོན་པ་ལྷུན་གྲུབ་འབར་བ་སྟེ།། འཁོར་རྣམས་རང་གདངས་ཆེན་པོ
iiif viewer powered by OpenSeadragon
