| e-texts navigator |
| Wylie |
89a1 པ། དུམ་བུས་རྒུན་མཐོང་དུམ་བུར་རྒྱུན་དུ་སོང་།། རྒྱུ་ནི་དུག་ལྔ་རང་སྣང་མ་འགགས་པས།། དུག་ལྔ་རྒྱུན་དུ་སྣང་བའོ།། འགྲུ་བ་ཕྱོགས་མེད་གཅོད་པ་དུམ་བུའོ།། དུམ་བུས་སངས་པ་མེད་པས་རྒྱུན་དུ
89a2 སོང་།། དུམ་བུ་སྤྱད་པས་རྒྱུན་དུ་འཁོར་བ་ལ་གནས།། དེས་ན་དུམ་བུ་འབྲས་བུ་རྒྱུན་དུ་གྲུབ།། རྒྱུན་དང་དུམ་བུ་ལམ་དུ་ཁྱེར་བ་བསྟན་པ་ནི།། འགྱུ་བ་ཕྱོགས་མེད་འགྱུ་བའི་དུམ་བུ་སྟེ།། འཕགས་པ་འཇམ་དཔལ་ལྟ
89a3 སྟངས་དང་།། ཐུགས་རྗེ་ཆེན་པོའི་ལྟ་སྟངས་དེས།། རྡོ་རྗེ་འཆང་གི་ལྟ་སྟངས་ཀྱིས།། ལྟ་སྟངས་ཕྱོགས་མེད་བྱས་པ་ཡི།། དུམ་བུ་ཕྱོགས་མེད་རྒྱུན་དུ་སོང་།། རྒྱུན་ནི་ཐིག་ལེ་ཁོང་ནས་འབར་ཕྱི་འབར།། དབྱེར་མེད་དུ
89a4 འཆར་ནང་དུ་འཆར་རོ།། འབར་པ་གསུམ་ལ་རེ་ལན་གསུམ།། གསུམ་མཉམ་དུས་མཉམ་དུ་འཆར་རོ།། འབར་ཆེན་པོའི་ཀློང་དང་དུག་ལྔ་འགྱུ་བ་སྤངས་སོ།། ཐིག་ལེ་སྤྲོས་པ་གཅོད་པའི་རྒྱུད། ཁོངས་ལ་དུ་སངས
89a5 རྒྱས་སོ་ཙམ་དུ་བསྟན་པའོ།། དེ་ནས་བཅོམ་ལྡན་འདས་ཐིག་ལེའི་ངང་དུ་ཉིད་སངས་རྒྱས་ནས། མི་སྣང་བར་གྱུར་ཏོ།། ལག་ན་རྡོ་རྗེ་ལ་སོགས་པ་ཐམས་ཅད་རྗེས་སུ་ཡི་རང་ངོ་།། ཐིག་ལེ་སྤྲོས་པ་གཅོད་པའི་རྒྱུད
89a6 གསང་བ་ཡང་གཏེར་ཞེས་བྱ་བ། ཞུ་བ་པོ་རྡོ་རྗེ་སེམས་དཔས་ཞུས། སྡུད་པ་པོ་ཕྱག་ན་རྡོ་རྗེས་བསྡུས། ཐམས་ཅད་རང་གི་འདུག་ཚུལ་དུ་བསྟན་ནོ།། རྫོགས་སོ།། །།
iiif viewer powered by OpenSeadragon
