| e-texts navigator |
| Wylie |
88b1 དྲུག་པར་ན་རང་བྱུང་སྐུ།། སྦྲུལ་སྐུ་རྟོགས་ན་བར་དོ་མེད།། སེམས་དང་ཆོས་དང་རྣམ་རྟོག་ཆགས་སྡང་ལ་སོགས་པའི།། གཟུང་འཛིན་ཐམས་ཅད་སེམས་ཡིན་པས།། དེ་སོལ་ཡིན་པས་རྟོགས་པའོ།། སེམས་ལས
88b2 འབྱུང་བར་ཡང་ནི་རྟོགས།། སེམས་དེ་མི་རྒྱུ་དགུ་ལ་རྒྱུ།། མི་བསམ་དགུ་ལ་བསམ།། དབྱིབས་གཟུགས་ཁ་དོག་སྣང་ཡང་སེམས།། ཐམས་ཅད་སེམས་སུ་ཤེས་ཀྱང་སངས་མི་རྒྱ།། ཞེས་ཏེ་གཟུང་འཛིན་མི་འཆད་པའི
88b3 ཕྱིར།། ཅིས་ཏེ་ཇི་སྲིད་སེམས་ཡོད་སེམས་ལ་སྤྱོད་ན་གཟུང་འཛིན་ལ་སྤྱོད་པའི་ཕྱིར།། སངས་རྒྱས་གང་ལ་ཟེར་ཅེས་ཞུས་པས། ཐིག་ལེ་ཉག་གཅིག་པོ་དེ་ལ་གོང་མ་རྣམས་ལས་ལོག་པ་སྟེ། སྣང་བའི་ཡུལ་མེད་པས།།
88b4 འཛིན་པའི་ཤེས་པས་བཟུང་དུ་མི་བཏུབ། འཛིན་པའི་ཤེས་པ་རང་བྱུང་བས། ཤེས་རིག་བློ་ལས་འདས་པས་ཐིག་ལེ། ཕྱི་ནང་དབྱེ་བ་མེད་པས་ཉག་གཅིག། ཐིག་ལེའི་དགོངས་པ་རང་གནས་སོ།། སངས་རྒྱས་མེད་པ
88b5 རང་ཡིན་པས། ཆགས་སྡང་སྐྱེད་མེད་དུག་ལྔ་རང་གི་ལམ་དུ་ཁྱེར། མ་རིག་པ་དང་འདངས་སངས་མ་རིག་པ་མེད་པས། རིག་པ་གཞི་ལ་འགྲོ་ས་མེད། གཞི་རང་ཡིན་པས། རྣམ་རྟོག་ལ་རྒྱུན་དུ་སོང་། ཆད་ས་མེད།།
88b6 རྣམ་རྟོག་མི་མངའ་བས་སོ།། ཞེས་གསུངས་སོ།། བར་དོ་མཉམ་སྦྱོར་ངོ་སྤྲོད་པའི་ལེའུ་སྟེ་བཅུ་པའོ།། །། བར་མ་དོ་ཡི་དོན་བཤད་ཀྱང་།། རྒྱུན་དང་དུམ་བུ་བཤད་དུ་གསོལ།། ཞེས་ཞུས་པས། བཀའ་སྩལ
iiif viewer powered by OpenSeadragon
