| e-texts navigator |
| Wylie |
88a1 སྤྲད་པས།། རིག་པའི་ཡེ་ཤེས་ཚིག་གི་མཆོག་ཏུ་བརྗོད།། འགྱུ་བ་མི་འགག་ཟོལ་ཐོལ་སྐྱེ་བ་ལ།། ལྷག་མཐོང་རིག་པའི་ཡེ་ཤེས་ངོ་སྤྲོད་ངོ་སྤྲོད་མཚོན།། ཚིག་གི་དབང་པོ་ཆོས་ཀྱི་སྤྱན་ལ་སྤྲད།། བུམ
88a2 པའི་དབང་ནི་རང་སྣང་འོད་ལ་སྤྲད།། ཐབས་དང་ཤེས་རབ་དབང་ནི་ཙིཏྟའི་ནང་དུ་སྤྲད།། ཡེ་ཤེས་ཆེན་པོའི་དབང་ནི་ཡེ་ཤེས་སྤྱན་ལ་སྤྲད།། ཐམས་ཅད་རང་ལ་ཡོད་པས་དབང་ཞེས་བྱ།། དེ་རྣམས་བླ་མས་སྟོན
88a3 པའི་ཚིག་ཐོབ་ནས།། རབ་ཏུ་གཅེས་པས་དབང་ཞེས་བྱ།། ཞེས་གསུངས་སོ།། དབང་རང་ལ་སྤྲད་པའི་ལེའུ་སྟེ་བརྒྱད་པའོ།། །། ཡང་བཀའ་སྩལ་པ། དམ་ཚིག་སྲུང་བ་ཞེས་བྱ་བ།། མ་ནོར་མ་བཅོས་དམ
88a4 ཚིག་ཡིན།། ཤེས་རབ་ཆེན་པོ་མ་ནོར་བས།། ཐིག་ལེ་མ་བཅོས་རང་སར་གྲོལ།། དེ་ནི་དམ་ཚིག་ཉམས་མེད་ཡིན།། བསྲུང་བྱ་བྱུང་ན་ཉམས་ཏེ་མཆི།། བདེ་ཆེན་ཐིག་ལེ་རྣམ་པར་དག། དེ་ནི་སྡོམ་པ་རང་དག
88a5 ཡིན།། གཟུང་རྒྱུ་བྱུང་ན་འཆོར་བར་མཆི།། ཞེས་གསུངས་སོ།། དམ་ཚིག་སྡོམ་པ་ལ་བཟླས་པ་བསྟན་པའི་ལེའུ་སྟེ་དགུ་པའོ།། །། དེ་ནས་ཡང་བཀའ་སྩལ་པ། འདུས་བྱས་འདུས་མ་བྱས་ཀྱི་བར།། བར་ན
88a6 རྟོག་མེད་ཆོས་སྐུ་གནས།། རྟོག་མེད་རྟོགས་ན་བར་དོ་མེད།། སྒྱུ་མ་འཇའ་ཚོན་གཉིས་ཀྱི་བར།། བར་ན་ཐིག་ལེ་ཉག་གཅིག་གནས།། ཉག་གཅིག་རྟོག་ན་བར་དོ་མེད།། འགྲོ་དྲུག་རང་སྣང་གཉིས་ཀྱི་བར།། འགྲོ།
iiif viewer powered by OpenSeadragon
