| e-texts navigator |
| Wylie |
87b1 ཉམས་མྱོང་འདོད་པ་བརྟག་པའི་རོ།། ཉམས་ལ་ཆགས་སྡང་སྐྱེས་པ་སྤྱོད་པ་དུག་ལྔའི་རོ།། ལྷག་མཐོང་རིག་པའི་ཡེ་ཤེས་ཀྱི་ཧོམ་ཁུང་དུ། རང་འབར་བ་ཐིག་ལེ་ཉག་གཅིག་གིས་མེས་བསྲེག་པར་བྱའོ།། ཞེས
87b2 གསུངས་སོ།། སྦྱངས་ས་བསྟན་པའི་ལེའུ་སྟེ་བདུན་པའོ།། །། དེ་ནས་ཡང་དབང་གི་གདམས་ངག་བཀའ་སྩལ་པ། བུམ་པ་ཐབས་དང་གསང་སྔགས་དང་།། ཚིག་དབང་རྣམ་པ་བཞི་རུ་བསྟན།། བུམ་པའི
87b3 དབང་ལ་རྣམ་པ་བཞི།། སེམས་ཉིད་འོད་གསལ་ཕྱི་ཡི་བུམ་པ་ཡིན།། རིག་པ་འོད་གསལ་ནང་གི་བུམ་པ་ཡིན།། ཡེ་ཤེས་འོད་གསལ་གསང་བའི་བུམ་པ་ཡིན།། ཐིག་ལེ་འོད་གསལ་དབྱེར་མེད་བུམ་པ་ཡིན།། ཞེས
87b4 གསུང་སོ།། ཐབས་དང་ཤེས་རབ་དབང་དུ་བསྟན་པ་ནི།། རང་སྣང་ཐབས་སུ་ཤེས་ན་ཐབས་ཀྱི་དབང་།། སྣང་བ་རང་གྲོལ་དུ་རྟོགས་པ་ཤེས་རབ་དབང་།། ཞེས་གསུངས་སོ།། གསང་བའི་དབང་ལ་བཞི་སྟེ། རིག་མ
87b5 ལམ་བརྟེན་དགའ་བ་བཞི།། དེ་ནི་ཕྱི་ཡི་གསང་བའི་དབང་།། རང་སྣང་གསལ་སྐྱེས་པས་དགའ་བ་ཡིན།། རིག་པ་ཟང་ཟལ་སྐྱེས་པ་མཆོག་དགའ་ཡིན།། གཉིས་མེད་ཡེ་ཤེས་ཟང་ཐལ་བ།། ལྷན་ཅིག་སྐྱེས་པའི
87b6 དགའ་བ་ཡིན།། དབྱེར་མེད་ཐིག་ལེ་གྲོལ་བ་དགའ་བྲལ་ཆེན་པོ་ཡིན།། ཞེས་གསུངས་སོ།། ཚིག་གི་དབང་ནི་རྣམ་བཞི་སྟེ།། འབྱུང་བ་ལྔ་ཡིས་ངོ་སྤྲད་པས།། རང་བྱུང་ཡེ་ཤེས་ཚིག་གི་མཆོག། དུག་ལྔ་དག་གིས་ངོ།
iiif viewer powered by OpenSeadragon
