| e-texts navigator |
| Wylie |
86b1 ཟང་ཐལ་ནི། དཔེར་ན་རླུང་དང་སྨིག་སྒྱུ་དང་འདྲ་སྟེ། དཔེར་ན་རླུང་དེ་ཡང་མི་སྣང་སྟེ། དོན་བྱེད་ནུས་ཏེ་ཐམས་ཅད་བསྐྱོད་པའི་རླུང་ཡིན་པ་དང་འདྲ་བར། ཡིད་མ་གཡོས་ན་རྟོག་པ་མེད་དོ།། གཡོས་ན་ཕུང་འཚེངས
86b2 ལ་སྤྱོད་དོ།། ཕུང་འཚེངས་དེ་ཟང་ཐལ་དུ་གནས་ཀྱང་ཐམས་ཅད་ལ་དབང་སྒྱུར་ནུས་ཏེ། ངན་པ་སྣ་ཚོགས་ཀུན་གཞི་ལས་གསོག་གོ། བསགས་ཀྱང་ཟང་ཐལ་ལོ།། ཅི་དང་འདྲ་སྟེ། སྨིག་སྒྱུ་དེ་རྟ་དང་། མི་དང་། ཆུར
86b3 སྣང་ཡང་། ངོ་བོ་ཤེས་ནས་འདུག་པའི་དུས་ཐམས་ཅད་ཟང་ཐལ་དུ་འཆར་རོ།། ཞེས་གསུངས་སོ།། ཡིད་ཟང་ཐལ་དུ་ངོ་སྤྲད་པའི་ལེའུ་སྟེ་ལྔ་པའོ།། །། དེ་ནས་ཡང་བཀའ་སྩལ་པ། སྒོ་ལྔ་རང་དྲངས
86b4 ཟང་ཐལ་གྱི་དཔེ། མེ་ལོང་དུ་སྐྱེས་བུའི་བྱང་ལྟས་པ་དང་འདྲ་སྟེ། དཔེར་ན་མེ་ལོང་གི་ནང་སྒོ་ལྔ་ཡུལ་མེ་ལོང་གཉིས་ཝ་ལེ་སྣང་སྟེ། སྣང་སྟོང་དབྱེར་མེད་དུ་འདུག་པ་བཞིན་དུ། དེ་རང་སྣང་དུ་ཤེས་པས། སྒོ་ལྔ
86b5 ཟང་ཐལ་དུ་ཡུལ་མེ་ལོང་དུ་སྣང་སྟེ། ཟང་ཐལ་ལོ།། དཔེ་དང་འདྲ་བར། སྒོ་ལྔ་ཟང་ཐལ་རིག་པའི་ཡེ་ཤེས་རང་སྣང་རང་བྱུང་ཡེ་ཤེས་གཉིས་དབྱེར་མེད་པར་ཤར་བས། སྒོ་ལྔ་རང་ཐལ་ཟག་ཐལ་ཅེས་བྱའོ།། དེ་ཡང
86b6 བལྟས་པའི་དུས་ན་འཆར་རོ།། ཞེས་གསུངས་སོ།། སྒོ་ལྔ་རང་སྣང་ཟད་ཐལ་ངོ་སྤྲད་པའི་ལེའུ་སྟེ་དྲུག་པའོ།། །། དེ་ནས་ཡང་བཀའ་སྩལ་པ། གདུང་ཞེས་བྱ་བའི་སྲེག་པ་ཡི།། དེ་ནི་བདག་གིས་བཤད་པར
iiif viewer powered by OpenSeadragon
