| e-texts navigator |
| Wylie |
85b1 དུམ་བུ་ལ་སོགས་པ།། དེ་ནི་བདག་གིས་བཤད་པར་བྱ།། ཞེས་གསུངས་སོ།། ཐིག་ལེ་སྤྲོས་པ་གཅོད་པའི་རྒྱུད་ལས། བསྡུས་ནས་བཀའ་སྩལ་པའི་ལེའུ་སྟེ་གཉིས་པའོ།། །། དེ་ནས་ལག་ན་རྡོ་རྗེས་ཞུས་པ།
85b2 ཟང་ཐལ་ལྔ་པོ་བཤད་དུ་གསོལ།། ཞེས་ཞུས་པས། ཡང་བཀའ་སྩལ་པ། ཀུན་གཞིའི་སྙིང་པོ་ཡིད།། སྒོ་ལྔ་རང་ཐལ་ཟང་ཐལ་ཏེ།། དེ་ནི་བདག་གིས་བཤད་པར་བྱ།། ཀུན་གཞི་ཟང་ཐལ་གྱི་དཔེ་ནི།། དཔེ་རྒྱ
85b3 མཚོ་ཆེན་པོ་དང་འདྲ་སྟེ། རྒྱ་མཚོ་དེ་ལ་ནི་ཉིན་མོ་རྙོག་པ་མེད་པར་དྲངས།། རྙོག་མའི་སྐྱོན་གྱིས་མ་གོས་ཏེ། མཚན་མོ་ཟླ་བ་དང་གཟའ་སྐར་ཐམས་ཅད་འཆར་ཏེ། རྒྱ་མཚོ་དང་གཟའ་སྐར་དབྱེར་མེད་ཕྱེད་དོ།། དཔེ
85b4 དེ་བཞིན་དུ་མཚན་མོ་དང་འདྲ་བའི་ཀུན་གཞིའི་དབུགས་དང་བཅས་ཀྱི་བར་དུ། ཀུན་གཞི་རྒྱ་མཚོ་འདྲ་བ་དེ་ལ། བག་ཆགས་གཟའ་སྐར་དང་འདྲ་བ་དེ་དབྱེ་བས་མི་ཕྱེད་དོ།། གཟའ་སྐར་དེས་ཀྱང་རྒྱ་མཚོ་ཟང་ཐལ
85b5 དུ་འདུག་པ་དེ་ལ། གཟའ་སྐར་གྱིས་ཕན་ཡང་མ་ཐོགས་གནོད་པ་ཡང་མ་སྩལ་ལོ།། ཞུས་པ། བག་ཆགས་དང་ཀུན་གཞི་དབྱེར་མི་ཕྱེད་ན། ཁམས་གསུམ་དུ་འཁོར་བ་ལས་མོ་ཐར་རོ།། ཞེས་ཞུས་པས། དཔེར་ན་ཉིན
85b6 མོ་ཉི་མ་ཤར་བའི་དུས་ན། ཉི་མ་ཤར་བ་ཙམ་གྱིས་གཟའ་སྐར་ཨ་ཅང་ཡང་ཆེས། ཟླ་བའི་འོད་ཀྱང་ཤི་ནས། རྒྱ་མཚོ་ཡང་མི་སྣང་ལ་རྙོག་མ་ཐམས་ཅད་དང་བྲལ་ཏེ། དཔེ་དེ་དང་འདྲ་བར་ད་ལྟ་ཡེ་ཤེས་སྒྲིབ་པ་དང་།
iiif viewer powered by OpenSeadragon
