| e-texts navigator |
| Wylie |
85a1 རྒྱ་གར་སྐད་དུ། ཏི་ལ་པྲ་ས་ལ་ར་དྷ་དུ་ཧི་མ་གུ་ཧྱ་ཧནྟ། བོད་སྐད་དུ། ཐིག་ལེ་སྤྲོས་པ་གཅོད་པའི་རྒྱུད། གསང་བ་ཡང་གཏེར་གྱི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག
85a2 འཚལ་ལོ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཐིག་ལེའི་ཀློང་དུ་གྱུར་པའི་དགོངས་པ་ལ་ཞུགས་ཏེ། ཐམས་ཅད་རང་ཐིག་ལེ་རང་གྲོལ་གྱི་བསྟན་ཅེས་བྱ། འོད་ཟེར་བྱེ་བ་ཕྲག་མང་པོ
85a3 སྤྲོས་ཏེ་ཆོས་འཆད་པའི་དུས་དེ་རུ། བཅོམ་ལྡན་འདས་སྙིང་སྐུ་རྡོ་རྗེ་སེམས་དཔའ་སྤྲུལ་ནས་སངས་རྒྱས་གངྒཱའི་ཀླུང་གི་བྱེ་མ་སྙེད་ལ་ཆོས་བསྟན་པས། དེའི་ཚེ་དེའི་དུས་ན། ཞུ་བ་པོ་མིའི་བྱང་ཆུབ་སེམས་དཔའ
85a4 དགའ་རབ་རྡོ་རྗེ་ས་གསུམ་གྱི་མངའ་བདག་ཅེས་བྱ་བ་དེས། བཅོམ་ལྡན་འདས་བདག་ཅག་སངས་རྒྱས་ས་ལ་གནས་པའི་བྱང་ཆུབ་སེམས་དཔའ་བསམ་གྱིས་མི་ཁྱབ་སྟེ། བདག་གི་ལ་འདི་ལ་ཤིན་ཏུ་ཟབ་པ་རྒྱ་ཆེ་བ
85a5 གཅིག་གསུངས་སོ།། ཐིག་ལེ་སྤྲོས་པ་གཅོད་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ནས་འདི་སྐད་ཅེས་བཀའ་སྩལ་ཏོ།། སངས་རྒྱས
85a6 དང་བྱང་ཆུབ་སེམས་དཔའ་ཐམས་ཅད་ཉོན་ཅིག། ཟང་ཐལ་ལྔ་དང་གདངས་དབྱངས་ལྔ།། དབང་དང་དམ་ཚིག་སྡོམ་པ་ལ་སོགས་ཏེ།། བར་དོ་མེད་དང་བར་དོ་ཡོད།། དབང་པོ་རབ་སོགས་དང་སྦྱར་ཏེ།། རྒྱུན་དང
iiif viewer powered by OpenSeadragon
