| e-texts navigator |
| Wylie |
83b1 བསྟན་པ་ཡིན།། ཞེས་གསུངས་སོ།། ཕྱི་ཐུགས་རྗེ་ཆོས་ཀྱི་འཁོར་ལོའི་ལེའུ་སྟེ་གསུམ་པའོ།། །། མི་ཕྱེད་རྡོ་རྗེ་འཆང་གི་སྐུས།། ནང་གི་ཆོས་ཀྱི་འཁོར་ལོ་བསྐོར།། ཉོན་མོངས་མ་ལུས་གསལ་བའི་ཕྱིར།། བསམ
83b2 པའི་ཁྱད་པར་ཇི་བཞིན་དུ།། ཉོན་མོངས་བརྒྱད་ཁྲི་བཞི་སྟོང་ལ།། ཐེག་པ་རིམ་དགུའི་ཆོས་འཁོར་བསྟན།། བཅོམ་ལྡན་ཕྱག་ན་རྡོ་རྗེ་དང་།། རྡོ་རྗེ་སེམས་དཔར་སྐུ་སྤྲུལ་ནས།། ཐུགས་རྗེ་ཆོས་ཀྱི་འཁོར་ལོ
83b3 བསྐོར།། སྤྲུལ་པའི་སྐུ་ཡི་སྒོ་ནས་ནི།། དྲང་དོན་ངེས་དོན་གཉིས་སུ་བསྐོར།། རྒྱུད་ལུང་མན་ངག་གསུམ་དུ་བསྐོར།། མི་ཕྱེད་རྡོ་རྗེ་འཆང་གི་ལུང་ཡང་བསྟན།། སེམས་དཔའ་ཆེན་པོ་ངས་བཤད་ཡིན།། སེམས་ཅན
83b4 ཉོན་མོངས་སྦྱང་བའི་ཕྱིར།། བག་ཆགས་བཅས་པ་ཐམས་ཅད་ལ།། སྙིང་རྗེ་ཆེ་དང་ཤེས་རབ་ཀྱིས།། ཐབས་ཀྱི་སྒོ་ནས་བསྟན་པའོ།། ཞེས་གསུངས་སོ།། ཕྱི་ནང་གཉིས་སེམས་ལ་ཆོས་ཀྱི་འཁོར་ལོ་བསྐོར་བའི་ལེའུ
83b5 སྟེ་བཞི་པའོ།། །། མི་ཕྱེད་རྡོ་རྗེ་འཆང་གི་སྒྲས།། རྟོག་པ་ཡེ་ཤེས་འཁོར་ལོའི་བསྐོར་བ་ཡང་།། དཔལ་ལྡན་སངས་རྒྱས་པདྨ་སྐྱེས།། བདག་རིག་གཞན་རིག་ཐམས་ཅད་པས།། མཆོག་གི་དང་པོ་སྐུ་གསུམ
83b6 བསྟན།། སེམས་ནི་སྤྲིན་དང་འདྲ་སྟེ་བློ་བུར་བས།། དབུགས་ནི་ན་བུན་འདྲ་སྟེ་གཏན་མི་གནས།། ཡིད་ནི་ཟིལ་པ་འདྲ་སྟེ་ཡོང་མི་སྡོད།། རྣམ་རྟོག་པ་མོ་འདྲ་སྟེ་གཏན་མི་འགྲོགས།། རིག་པ་ནམ་མཁའ་འདྲ་སྟེ་འགྱུར།
iiif viewer powered by OpenSeadragon
