| e-texts navigator |
| Wylie |
83a1 བུ་ཐིག་ལེའི་ཀློང་ཡངས་ནས།། བྱིན་རླབས་རྒྱུན་ཆད་མེད་པར་འབྱུང་།། ཆུ་རྒྱུན་ལྟ་བུའི་ཐུགས་རྗེ་མངའ།། ཐིག་ལེ་བརྡལ་ཁྱབ་སྐུ་ལ་ཕྱག་འཚལ་ལོ།། ཞེས་གསུངས་སོ།། གླེང་གཞི་རྩ་བའི་ལེའུ་སྟེ
83a2 དང་པོའོ།། །། དེ་ནས་ཞུས་པ། ཐུགས་རྗེའི་རིམ་པ་ཇི་ལྟར་ལགས།། ཞེས་ཞུས་པས། ཕྱི་ནང་གསང་བ་གསུམ་དུ་བྱུང་།། ཡང་གསང་དོན་ལ་འབྱུང་འགག་མེད།། ཅེས་གསུངས་སོ།། དེ་ནས་ཡང་སངས་རྒྱས
83a3 པར་བསྟན་དུ་གསོལ།། ཞེས་ཞུས་པས། བཀའ་སྩལ་པ། ཕྱི་ཡི་ཐུགས་རྗེའི་ཆོས་འཁོར་དང་།། ནང་གི་ཐུགས་རྗེའི་ཆོས་འཁོར་དང་།། གསང་བའི་ཐུགས་རྗེའི་ཆོས་འཁོར་རོ།། ཡང་གསུང་ཐུགས་རྗེའི་བྱིན་རླབས
83a4 སོ།། ཞེས་གསུངས་སོ།། གླེང་བསླང་བའི་ལེའུ་སྟེ་གཉིས་པའོ།། །། མི་ཕྱེད་རྡོ་རྗེ་འཆང་གི་སྐུ།། ཕྱི་ཡི་ཐུགས་རྗེ་བསྟན་པ་ནི།། ཕྱི་ཡི་སྐུ་གསུམ་བསྟན་པར་བྱ།། འབྱུང་བ་ལྔ་པོར་སྤྲུལ་ནས་ནི།། སེམས་ཅན
83a5 རྣམས་ལ་སྣང་བར་ནུས།། སྤྲུལ་པའི་སྐུ་ཡི་ངོ་བོར་བསྟན།། ལོངས་སྤྱོད་མ་འགགས་རོལ་པར་ཤར།། ལོངས་སྤྱོད་རྫོགས་སྐུ་དངོས་སུ་བསྟན།། དངོས་པོ་ཆོས་སྐུ་སྐྱེ་འཇིག་མེད།། ཆོས་སྐུའི་ཐུགས་རྗེ་བསྟན་པ
83a6 ཡིན།། འགྲོ་བ་རིགས་དྲུག་སྣང་བ་ལ།། ཉོན་མོངས་བརྒྱད་ཁྲི་བཞི་སྟོང་དང་།། རྟོག་པ་སུམ་བརྒྱ་དྲུག་ཅུར་འཁྲུལ།། ཐུབ་པ་དྲུག་གི་ཆོས་འཁོར་བསྐོར།། ཉོན་མོངས་ཁམས་རྣམས་དག་པར་བྱས།། སྤྲུལ་པའི་སྐུ་རུ
iiif viewer powered by OpenSeadragon
