| e-texts navigator |
| Wylie |
82a1 མེད།། ལྕེ་སྦྱང་མིག་ཅན་རླུང་ལས་གྲུབ་པའི་སྐུ།། ཉི་ཟླའི་འོད་ཙམ་བྱིན་རླབས་འགག་མེད་སྐུ།། སེང་གེའི་རྩལ་ཅན་མཚན་མ་ཟིལ་གྱིས་གནོན།། རྩལ་གསུམ་ལུས་ལ་རྫོགས་པས་སྐུ་གསུམ་འདུ
82a2 འབྲལ་མེད།། ཐོག་མེད་དཔའ་བ་སྟག་མོ་ཚང་མ་ལྟར།། དཔའ་བརྟུལ་ཡེ་ཤེས་ཐོགས་མེད་གཅད་པ་གཅེས།། དངོས་མེད་གཡོ་བ་ལས་ཀྱི་རླུང་དང་འདྲ།། འཇིག་རྟེན་ཆགས་འཛིན་རླུང་གི་རྩལ་ལས་ཤར།། འཁོར
82a3 བ་མྱ་ངན་རྟོག་པ་རླུང་གིས་གདམས།། སྐྱེ་འཆིའི་རྒྱུན་གྱིས་རླུང་གིས་རྟག་ཏུ་འདེབས།། དབུགས་དང་བྲལ་བས་གཉིས་མེད་ཟང་ཐལ་འཆར།། ཡར་ལྡན་ཡོན་ཏན་མར་ལྡན་སྐྱོན་དུ་འཆར།། གཉིས་མེད་ཟང་ཐལ་ཕྱི།
82a4 ནང་ཐིག་ལེར་བརྡལ།། ཡེ་ཤེས་ཟང་ཐལ་འུབ་ཆུབ་འདུ་འབྲལ་མེད།། ཅེས་གསུངས་སོ།། ཡེ་ཤེས་ཐིག་ལེ་ཟང་ཐལ་གྱི་རྒྱུད་ལས། གནས་ལུགས་ལ་ངོ་སྤྲད་པའི་ལེའུ་སྟེ་ཉི་ཤུ་པའོ།། །། དེ་ནས་ཡང
82a5 བཅོམ་ལྡན་འདས་བདེ་བ་ཅན་གྱི་གནས། རིན་པོ་ཆེ་པདྨའི་གདན་ལས་བཞེངས་ནས། རྡོ་རྗེ་སེམས་དཔའ་ལ་བཀའ་སྩལ་པ། ཀྱེ་ཀྱེ་ཧོ། ངས་བཤད་པ་ཡི་རྒྱུད་ཆེན་འདི།། ཡེ་ཤེས་ཐིག་ལེ་འདུ་འབྲལ
82a6 མེད།། ཟང་ཐལ་ཡིན་པས་ཆོས་མིན་སྐུ།། ཕྱི་ནང་མེད་པས་ཐིག་ལེའི་རྒྱུད་དུ་ཟུང་།། ཡེ་ཤེས་ཟང་ཐལ་རང་ལ་ཤར།། ཡེ་ཤེས་རང་ཤར་རྒྱུད་དུ་ཟུང་།། འབྲས་བུ་ཕྱི་ནང་དུས་མི་འདེབས་པས།། ཐོབ་མེད་ནོར་བུའི
iiif viewer powered by OpenSeadragon
