| e-texts navigator |
| Wylie |
81b1 སེམས་ཅན་དག་ཏུ་འགྲུབ།། དེས་ན་རླུང་ལ་ངོ་སྤྲད་པས།། རླུང་གསུམ་རྩ་བ་གཅིག་ཏུ་འདུས།། གཅིག་པོ་ཡེ་ཤེས་ཟང་ཐལ་རླུང་།། ཟང་ཐལ་རླུང་དུ་ངོ་སྤྲད་པས།། འགྱུ་བ་ཞབས་རྡོལ་རླུང་བྲལ་དེས།། དབུགས་མེད
81b2 ཟ་ཐལ་ཐོགས་མེད་པས།། འབྱུང་བ་ལྔ་ཡི་མ་གྲུབ་པས།། ཡེ་ཤེས་ཟང་ཐལ་ཡིན་པའི་རྟགས།། ཕུང་པོ་ལྔས་ནི་མ་བསྒྲིབས་པས།། ཐིག་ལེ་ལྷུན་གྲུབ་ཡིན་པའི་རྟགས།། ཆུ་བོ་བཞིས་ནི་ཁྱེར་མ་ནུས།། ཡེ་ཤེས
81b3 འབའ་ཞིག་ཡིན་པའི་རྟགས།། རྒྱུ་རྐྱེན་ཀ་ནས་མ་གྲུབ་པས།། སྐུ་གསུམ་འདུ་འབྲལ་མེད་པའི་རྟགས།། རླུང་ལས་ཡེ་ཤེས་ངོ་སྤྲད་ནས།། ཐིག་ལེ་ཉག་གཅིག་རང་འབར་བས།། ཡེ་ཤེས་རང་གྲོལ་ཡིན་པའི
81b4 རྟགས།། རྒྱུ་ལམ་འབྲས་བུ་དབྱེར་མེད་པས།། གཞི་ནི་ལྷུན་གྱིས་གྲུབ་པའི་རླུང་།། ལམ་ནི་རང་བྱུང་རླུང་དུ་ཤར།། འབྲས་བུ་མཚན་མ་སྣ་ཚོགས་གཅོད་པའི་རླུང་།། རླུང་ཆེན་དེ་ལ་ངོ་སྤྲད་ན།། གཞི་ལམ་འབྲས་བུ
81b5 དབྱེར་མེད་པས།། ཡེ་ཤེས་ངོས་བཟུང་རླུང་དུ་བཤད། ཅེས་གསུངས་སོ།། ཡེ་ཤེས་ཐིག་ལེ་ཟང་ཐལ་གྱི་རྒྱུད་ལས།། ཡེ་ཤེས་རླུང་ལ་ངོ་སྤྲད་པའི་ལེའུ་སྟེ་བཅུ་དགུ་པའོ།། །། བཅོམ་ལྡན་འདས་ཀྱིས་བཀའ
81b6 སྩལ་པ།། སེམས་དཔའ་ཆེན་པོ་ཁྱོད་ཉོན་ཅིག། གོ་བར་དཀའ་བ་བརྡ་ཡི་དོན།། ཟབ་མོ་དགྲ་རུ་བརྗོད་པ་ཉམས།། ཡེ་ཤེས་ཟང་ཐལ་ཕྱི་ནང་མེད་པའི་མཁའ།། གཞན་སྣང་མེད་པས་སྒྲིབ་པའི་མིང་ཡང
iiif viewer powered by OpenSeadragon
