| e-texts navigator |
| Wylie |
80a1 མི་རྙེད་དེ།། རྒྱ་མ་ཆད་པར་རྟོགས་ཙམ་ན།། རྟོགས་པ་རང་གྲོལ་ཞེས་ཀྱང་བརྗོད།། ཕྱོགས་མེད་ཡེ་ཤེས་རང་ལ་ཤར།། རང་ཤར་རང་སྣང་ཞེས་སུ་བཤད།། དབྱེར་མེད་ཀློང་ནས་རང་གྲོལ་བས།། ཕྱི
80a2 ནང་སྣང་སྲིད་དུབ་ཆུབ་བརྡལ།། ཐིག་ལེ་ཀུན་ཁྱབ་ཅེས་སུ་བསྟན།། དཔེར་ན་ཟག་པ་སྦྲུལ་འཁྲུལ་གྲོལ།། འཁྲུལ་པ་འཇུག་ལྡོག་རང་གྲོལ་ཡིན།། དབྱེར་མེད་འདུ་འབྲལ་མེད་ཅེས་བྱ།། སྣང་སྲིད་ཐིག་ལེར་བརྡལ
80a3 བས་བར་མཚམས་མཚོན་པར་དཀའ།། ཐིག་ལེ་འགག་མེད་ཡིན་པར་རོལ་པ་ཅིར་ཡང་འཆར།། རོལ་པ་རང་སར་གྲོལ་བས་མཚན་མའི་ཡུལ་མ་མཐོང་།། བློ་ཆུང་བྱིས་པས་ཕྱོགས་སུ་བཟུང་བ་འཁྲུལ།། ཕྱོགས་མེད
80a4 རང་གྲོལ་སྣང་སྲིད་ཐིག་ལེར་འབར།། འབར་བའི་རྒྱལ་པོ་འདི་ལ་དབྱེ་བ་ཡེ་ནས་མེད།། ཅེས་གསུངས་སོ།། ཐིག་ལེ་འཁོར་ལོ་འབར་བཟང་ཐལ་གྱི་རྒྱུད་ལས། སྐུ་གསུམ་འདུ་འབྲལ་མེད་པའི་ཀློང་བྱ་བཙལ་དང
80a5 བྲལ་བར་བསྟན་པའི་ལེའུ་སྟེ་བཅུ་བདུན་པའོ།། །། མ་ཧ་ལྷ་ཨ་སྟེ། དེ་ནས་ཡང་བཀའ་སྩལ་པ། སེམས་དཔའ་ཆེན་པོ་ཉོན་ཅིག། ཡེ་ཤེས་རླུང་ཆེན་ངོ་སྤྱོད་བསྟན་པ་ནི།། དཔེ་དོན་གཉིས་སུ་ངོ་སྤྲད
80a6 དེ།། ཁྱུང་ཆེན་ནམ་འཕངས་གཅོད་པ་དེ།། རྩོལ་དང་རློམ་པ་མ་ཡིན་ཏེ།། གཤོག་པ་ཐང་ལྷོད་མེད་པ་ཡིན།། སྐད་ཅིག་རི་རབ་ཁང་སྟེང་ལྟར།། མ་རིག་འགག་མེད་གཟུང་འཛིན་ཀློང་།། ཆགས་ཞེན་གཉིས་ཀྱི་རྩ་བ
iiif viewer powered by OpenSeadragon
