| e-texts navigator |
| Wylie |
7a1 པའི་རྒྱལ་པོས་རྡོ་རྗེ་སེམས་དཔའ་ལ་བཀའ་སྩལ་པ།། རང་སྣང་རྒྱལ་པོ་གང་འདོད་པ།། རང་བྱུང་དྲངས་སྙིགས་ཕྱེ་ལ་ལྟོས།། ཐེག་པའི་བྱེ་བྲག་བསམ་ཡས་ཀྱང་།། རིག་པའི་རྒྱལ་པོ་རྡོ་རྗེའི
7a2 བདག། ངེས་པར་བྱུང་དོན་འདི་ཤེས་ཉོན།། སངས་རྒྱས་ཀུན་གྱི་རང་བྱུང་བ།། བླ་ན་མེད་པ་རྟོགས་གྱུར་ན།། དེ་ཉིད་རང་སྣང་མཉམ་པར་ལྟ།། གང་གི་རང་བྱུང་རྟོགས་པའི་མཆོག། རང་སྣང་རྩོལ་བྲལ་དོན་ཤེས
7a3 ན།། འདྲེན་པའི་ཚོགས་ཀྱིས་མ་བཀྲོལ་ཡང་།། རང་བྱུང་ཡོན་ཏན་བསམ་མི་ཁྱབ།། ཅེས་གསུངས་སོ།། རྡོ་རྗེ་སེམས་དཔས་ཡང་ཞུས་པ།། རྣམ་རྟོག་འཛིན་པའི་འཁྲུལ་བ་དེ།། གཉེན་པོས་བསྒོམ་དུ་ཡོད་དམ་མེད
7a4 ཅེས་གསོལ་བ་དང་།། རིག་པས་བཀའ་སྩལ་པ།། རྣམ་པར་རྟོག་པའི་གཉེན་པོར་རྣམ་པར་རྟོག་པའོ།། མི་རྟོག་སྒོམ་པས་རྟོགས་པ་ཆེན་པོར་སོང་།། སྒོ་གཅད་ལ་འདས་མ་བུ་སྤྲད་པ་ན།། ཆུ་བོ་རྒྱུན་གྱི་དགོངས་པ
7a5 ཆེན་པོ་ཡིན།། ཚེ་གཅིག་བྱང་ཆུབ་ཐོབ་ནས་རྒྱུ་འབྲས་སྩོལ་བ་མེད།། རང་བྱུང་ཡེ་ཤེས་ལམ་གྱི་དམ་པ་ཡིན།། བྱ་ལམ་མཁའ་ལ་རྗེས་མེད་འདྲ།། རང་བྱུང་རྩོལ་མེད་དོན་པོ་ཆེ།། སེམས་ཀྱི་སྒོ་གཅོད་ཤེས་གྱུར
7a6 ན།། རང་བྱུང་མཁའ་ལ་སྤྲིན་དྲངས་འདྲ།། ཇི་བཞིན་ནམ་མཁའི་རང་བཞིན་ལ།། ཉི་མའི་སྙིང་པོ་ཤར་བ་བཞིན།། ཡེངས་པ་མེད་པ་ཁོ་ནར་ཟད།། ཆོས་ཉིད་སྤྲོས་དང་བྲལ་བ་ལ།། རང་བྱུང་རིག་པའི་རྒྱལ་པོ
iiif viewer powered by OpenSeadragon
