| e-texts navigator |
| Wylie |
79b1 གཅིག། གཅིག་པོ་མ་རིག་དེ་ཉིད་ཅི་ལས་གྲུབ།། རྩ་གཅད་རྩེ་གཅད་སྐད་གཅོད་ཀྱི།། ཐོག་མ་བར་དང་མཐར་གཅོད་པའི།། ཡེ་ཤེས་ངོ་བཟུང་ངོ་སྤྲོད་སྟོན།། གཅིག་པོ་མཚན་མ་རང་སར་གྲོལ།། གཉིས་མེད་ཐིག་ལེ
79b2 ཟང་ཐལ་སྐུ།། ཕྱོགས་ལྷུང་མེད་པའི་ཡེ་ཤེས་ཤར།། རྒྱ་མ་ཆད་ཀྱི་ཆོས་སྐུར་གསལ།། ལྷུན་གྱིས་གྲུབ་པས་རང་སར་གྲོལ།། རང་སྣང་དག་ལས་མེད་ཙམ་ན།། རིག་པ་ཡུལ་མེད་ཅེས་ཀྱང་བྱ།། ཆོས་ལ་བདག་མེད
79b3 ཅེས་ཀྱང་བྱ།། སངས་རྒྱས་ཡུལ་མེད་ཅེས་ཀྱང་བྱ།། གཟིགས་སྣང་མཐའ་ལས་གྲོལ་བ་ཡིན།། ཞེས་གསུངས་སོ།། ཡེ་ཤེས་ཐིག་ལེ་འཁོར་ལོ་ཁོང་འབར་གྱི་རྒྱུད་ལས། ལེའུ་སྐབས་ཏེ་བཅུ་དྲུག
79b4 པའོ།། །། སརྦ་མ་ལ་ད་དཱ་ཨ་སིང་ཤ་ཥཾ་ཙ་ལ་ཨཱ། དེ་ནས་ཡང་བཅོམ་ལྡན་འདས་ཀྱིས་བདེ་ཆེན་རང་འབར་གྱི་ཏིང་ངེ་འཛིན་ལས་བཞེངས་ནས། རྡོ་རྗེ་སེམས་དཔའ་ལ་བཀའ་སྩལ་པ། ཀྱེ། སེམས་དཔའ
79b5 ཆེན་པོ་ཁྱོད་ཉོན་ཅིག། སྐུ་གསུམ་དབྱེར་མེད་བསྟན་པ་ནི།། རྒྱ་མཚོ་དྲངས་པའི་དུས་ཉིད་ན།། དར་དང་རླབས་དང་སྦུ་བ་དང་།། ཆབ་རོམ་སྣ་ཚོགས་ཅིར་སྣང་ཡང་།། ཆུ་བོ་དག་ལས་འདས་པ་འམ།། རྒྱ་ཆད་ཕྱོགས
79b6 སུ་ལྷུང་བ་ནི།། ཕྲ་རབ་རྡུལ་ཙམ་མ་མཐོང་ངོ་།། དེ་བཞིན་འགྲོ་བ་རིགས་དྲུག་དང་།། ལོངས་སྤྱོད་རྫོགས་པ་སྒྱུ་མའི་སྐུ།། སྣ་ཚོགས་མཚན་མར་སྣང་བ་རྣམས།། ཐིག་ལེ་ལྷུན་གྲུབ་ཡེ་བརྡལ་ཡིན།། དབྱེ་རྒྱུ་རྡུལ་ཡང
iiif viewer powered by OpenSeadragon
