| e-texts navigator |
| Wylie |
79a1 པའོ།། །། དེ་ནས་ཡང་བཀའ་སྩལ་པ། སེམས་དཔའ་ཆེན་པོ་ཁྱོད་ཉོན་ཅིག། སྤྲུལ་པ་སྐུ་ཡི་དབྱེ་བ་བསྟན་པ་ནི།། ཉི་མ་འོད་དང་ཟེར་དང་གསུམ།། ཡོན་ཏན་ཕྱོགས་མེད་མཐུན་པར་གྲུབ།། སྤྲུལ
79a2 པ་སྐུ་ཡི་ཆོས་སྐུ་ནི།། ཐིག་ལེ་ཆོས་མིན་ཀུན་གྱི་གཞི།། དམྱལ་བའི་གནས་ན་ལྷུན་གྱིས་གྲུབ།། རྒྱ་ཆད་ཕྱོགས་སུ་མ་ལྷུང་བས།། དོན་ནི་ལྷུན་གྱིས་གྲུབ་པ་ཡིན།། འགྲོ་དྲུག་ཆོས་ཀྱི་སྐུ་ཡི་གཞིར།། ལྷུན་གྱིས་གྲུབ་པར
79a3 བཤད་པ་ཡིན།། རྒྱ་མ་ཆད་པས་ལྷུན་གྱིས་གྲུབ།། ཉི་མའི་སྙིང་པོ་སྟོང་གསལ་དེ།། ཤར་གླིང་ལ་སོགས་རྒྱུ་བའི་དུས།། རྒྱ་མ་ཆད་པས་གར་ཡང་སྣང་།། ཕྱོགས་སུ་མ་ལྷུང་གར་ཡང་རྒྱུ།། ངོ་བོ་རྟོག་མེད་ཟང་ཐལ
79a4 དེ།། ཀུན་ལ་དབྲི་བཀོལ་འབྱེད་པ་མེད།། རྟོག་མེད་མཉམ་པར་ལྷུན་གྱིས་གྲུབ།། ཟེར་ནི་ཕྱོགས་མེད་འཆར་བའི་རྒྱུ།། དབྲི་བཀོལ་མེད་པས་ཡོངས་ལ་སྣང་།། སྣང་གསལ་ཡངས་པའི་ཟེར་དུ་ཤར།། སྤྲུལ་པའི་སྐུ་ཡི།
79a5 ལོངས་སྐུ་ནི།། སྣང་བ་འགག་མེད་རང་དུ་གསལ།། རང་གསལ་རང་གདངས་ཆེན་པོ་འདི།། རྟག་ཏུ་འདི་ལྟར་ལྟ་སྤྱོད་ན།། ལོངས་སྐུའི་ངོ་སྤྱོད་ཆེན་པོ་ཡིན།། སྤྲུལ་པའི་ངོ་སྤྲོད་བསྟན་པ་ནི།། ཉི་མའི་འོད་ཀྱི་སྣང་བ
79a6 དེ།། ཉི་མ་ཕྱེད་ཀྱི་དུས་དག་ན།། རང་རང་མཐོངས་ཀྱི་དབྱིངས་སུ་གྲུབ།། བསམ་པ་མི་འདྲ་སྣ་ཚོགས་ཤར།། ཉོན་མོངས་བརྒྱད་ཁྲི་བཞི་སྟོང་སྨིན།། རྩ་བ་དུག་ལྔ་དག་ལ་འདུས།། དེ་ཡང་གསུམ་འདུས་གསུམ་པོ
iiif viewer powered by OpenSeadragon
