| e-texts navigator |
| Wylie |
78b1 པའོ།། །། ཀུན་ཏུ་བཟང་པོས་བཀའ་སྩལ་པ།། སེམས་དཔའ་ཆེན་པོ་ཁྱོན་ཉོན་ཅིག། ལོངས་སྐུའི་དབྱེ་བ་འདི་ལྟ་སྟེ།། ནོར་བུ་རིན་ཆེན་ལྟ་བུ་དེ།། ཐུགས་རྗེ་འདོད་ཡོན་འཆར་བའི་གཞི།། ཡོན་ཏན་སོ་སོར
78b2 སྣང་བ་ལྟར།། ལོངས་སྐུའི་ཆོས་སྐུ་བསྟན་པ་ནི།། ཇི་ལྟ་བ་ཡི་ཡེ་ཤེས་ཡིན།། ལོངས་སྐུ་སྒྱུ་མའི་གཟུགས་སྐུ་ཡིན།། སྦྲུལ་སྐུ་ཇི་སྙེད་ཡེ་ཤེས་ཡིན།། སྒྱུ་མ་ལྷུན་གྲུབ་འོད་ཀྱི་ཕུང་པོ་ལ།། སྐུ་ལྔ་ལ་སོགས་བསམ་གྱིས་མི
78b3 ཁྱབ་པ།། འཇིག་རྟེན་འདི་འམ་ཐམས་ཅད་ན།། ཏིལ་གྱི་གང་བུ་བཞིན་དུ་ནི།། ཡོངས་སུ་གང་ཞིང་བར་མཚམས་མེད།། ཡེ་ཤེས་སྒྱུ་མའི་སྦུབས་ཀྱི་ངོ་སྤྲོད་འདིས།། མ་ཧཱ་ཡོ་གའི་གོལ་གཞི་གོལ་ས་དང་།། ཨ་ནུ་ཡོ
78b4 གའི་གོལ་གཞི་གོལ་ས་གཉིས།། དབྱེར་མེད་རང་སར་མ་ཤེས་སྒྲིབ་པ་ཡིན།། རང་ལུས་ཐིག་ལེ་བརྡུངས་པས་གོལ་ས་ཆོད།། ཕྱི་ནང་མེད་པའི་ཐིག་ལེ་ཆོས་ཉིད་ཀློང་།། འབྲས་བུ་མ་བཙལ་རང་ལ་གྲུབ་པས་ནོར་བུ
78b5 རིན་ཆེན་འདྲ། ཡེ་ནས་ཡོད་པ་མཐོང་བས་དབུལ་མོ་གཏེར་རྙེད་ཚུལ།། སངས་རྒྱས་ཐིག་ལེ་ཕྱོགས་མེད་སྐུ།། གཟུགས་སྐུ་མཉམ་ལ་མ་འདྲེས་པ།། ནོར་བུ་རིན་ཆེན་ཡོན་ཏན་འདྲ།། སྦྲུལ་སྐུ་སོ་སོར་ཤར་བ་ནི།། ནོར
78b6 བུ་རིན་ཆེན་ཐུགས་རྗེ་འདྲ།། ནོར་བུ་རིན་ཆེན་ཕྱོགས་མེད་དེ།། གཉིས་མེད་ཆོས་སྐུའི་ངོ་སྤྲོད་ཡིན།། ཅེས་གསུངས་སོ།། ཡེ་ཤེས་ཐིག་ལེ་ཟང་ཐལ་གྱི་རྒྱུད་ལས།། ལོངས་སྐུའི་དབྱེ་བ་ངོ་སྤྲད་པའི་ལེའུ་སྟེ་བཅོ་ལྔ
iiif viewer powered by OpenSeadragon
