| e-texts navigator |
| Wylie |
77b1 འདོད་པ་གང་།། ཐམས་ཅད་མ་བསྒྲུབས་རྫོགས་ཆེན་ལ།། དགག་སྒྲུབ་བྱ་ན་གོལ་བ་ཡིན།། ཨེ་མ་ཧོ་རིགས་ཀྱི་བུ།། ངས་བཤད་པ་ལ་མ་སྐྲག་ཅིག། ཆོས་རྣམས་ཐམས་ཅད་ཐིག་ལེ་ཡེ་བརྡལ་ཡིན།། ཡིན་པར་ཤེས
77b2 པས་འཁོར་དུ་འཁོར་ས་མེད།། ཐམས་ཅད་ཕྱི་ནང་མེད་པའི་ཆོས་མིན་ཀློང་།། སངས་རྒྱས་འཁྲུལ་པས་མིང་དུ་བཏགས་པས་ནོར།། ཐིག་ལེ་ཕྱོགས་མེད་ཡེ་ཤེས་ཟང་ཐལ་ལ།། ལྷ་སྒོམ་འདོད་པས་ཀུན་ཏུ་བརྟགས
77b3 པས་བསླུས།། ཕྱི་ནང་མེད་པའི་ཡེ་ཤེས་ཟང་ཐལ་ལ།། འབྲས་བུ་ཕྱི་དུས་མི་འདེབས་ད་ལྟ་ཉིད་དུ་གྲུབ།། ཐིག་ལེ་བར་མཚམས་མ་གྲུབ་ཟང་ཐལ་ལ།། བར་དོའི་གདམས་པ་རྫོགས་ཆེན་ལམ་པའི་ཆོས།། ལམ་ལ
77b4 རེག་ན་བག་ཆགས་ལས་ལ་རེ།། ལས་ལ་རེ་ན་རང་བྱུང་ཡེ་ཤེས་བརྫུན།། སངས་རྒྱས་ཐུགས་རྗེ་དབྲི་བཀོལ་མེད་པ་ལ།། ཐུབ་དྲུག་འབྱུང་བར་འདོད་པ་ཡིད་སྨོན་བློ་ཡི་ཡུལ།། རྫོགས་ཆེན་བློ་ལས་གྲོལ་བའི་ཆོས
77b5 མིན་ཡིན།། ཐུགས་རྗེ་དབྲི་བཀོལ་མེད་པ་ཡི།། ཐམས་ཅད་སྐུ་གསུམ་རོལ་པར་མ་ཤེས་ན།། ཐུགས་རྗེ་དུས་ལ་ལྟོས་ན་འཁྲུལ་པས་འཁྲུལ་པ་རྒྱུད།། ཅེས་གསུངས་སོ།། ཡེ་ཤེས་ཐིག་ལེ་ཟང་ཟལ་གྱི་རྒྱུད་ལས། ཐིག
77b6 ལེའི་རང་སྒོ་ལ་ངོ་སྤྲད་པའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས་ཀྱིས། ཡངས་པ་ཅན་གྱི་གནས་ནས་བཞེངས་ནས། བྱང་ཆུབ་སེམས་དཔའ་བཛྲ་སཏྭ་ལ་བཀའ་སྩལ་པ། སྐུ་གསུམ་དབྱེ
iiif viewer powered by OpenSeadragon
