| e-texts navigator |
| Wylie |
76b1 ཡིན།། འགྲོ་དྲུག་འཁྲུལ་པའི་འདམ་ནས་ཐོན་པ་དཀའ།། རྟེན་གྱི་གསང་ལམ་རྟགས་ཀྱི་གསང་ལམ་དང་།། ཡེ་ཤེས་གསང་ལམ་བཞི་པོ་མ་ཕྱེད་ན།། ཐིག་ལེ་ཡེ་བརྡལ་ཅི་ཁྱབ་བློ་ཡི་ཡུལ།། སེམས་འཛིན་སྒོམ་ཆགས
76b2 ཞི་དེས་ལྷ་ཡི་ཆོས།། རང་རྒྱུད་ཆགས་སྡང་རང་ཁ་བློ་ཡི་ཆོས།། ཆོས་སྤྱོད་བཅུ་དང་མི་དགེ་ཀྱང་།། ཐིག་ལེ་ཆོས་ཀློང་ཞལ་མི་མཐོང་།། ཤེས་རབ་རིག་པ་མ་རིག་ཡིད་དང་བཞི།། གནད་ཀྱི་གདམས་ངག་དམ་པ་མ
76b3 ཤེས་ན།། ཡེ་ཤེས་ཐུག་ཕྲད་འཆར་བའི་དུས་མི་མཆི།། རྣམ་རྟོག་ཡེ་ཤེས་ཟང་ཐལ་ངོ་སྤྲོད་མ་བསྟན་ན།། སྐུ་གསུམ་འདུ་འབྲལ་མེད་པའི་ངོ་མི་འཕྲད།། གཟུང་འཛིན་ཟང་ཐལ་འགྲོ་བའི་གནད་མེད་ན།། ཐིག་ལེ་ཉག
76b4 གཅིག་འཆར་བའི་དུས་མི་མཆི།། ཞེས་གསུངས་སོ།། ཡེ་ཤེས་ཐིག་ལེ་ཟང་ཐལ་གྱི་རྒྱུད་ལས། རྟགས་ཀྱི་ངོ་སྤྲད་དང་དོན་གྱི་ཡེ་ཤེས་ངོ་བོ་སྤྲད་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་བཀའ་སྩལ་པ།
76b5 ཉོན་ཅིག་རྡོ་རྗེ་སེམས་དཔའ་ཆེ།། ཡེ་ཤེས་དབྱེ་བ་བསྟན་པ་ནི།། གཞི་གནས་ཡེ་ཤེས་ལྷུན་གྲུབ་ནི།། རྒྱ་མ་ཆད་པའི་ཡེ་ཤེས་བཞི།། འགག་པ་མེད་པའི་གཞི་ཡིན་ནོ།། མ་དག་འཁྲུལ་པའི་ཡེ་ཤེས་ནི།། འཁྲུལ་པས
76b6 ཡེ་ཤེས་མིང་མ་ཐོགས།། ལམ་གྱི་ཡེ་ཤེས་རྣམ་པ་བཞི།། རང་བྱུང་རང་རིག་ལྷག་མཐོང་དང་།། ངོ་བོ་ཉིད་ཀྱི་ཡེ་ཤེས་ནི།། ཤེས་རབ་དག་པའི་ཡེ་ཤེས་ཡིན།། དག་པ་འཇིག་རྟེན་ཡེ་ཤེས་ནི།། མེ་ལོང་ཡེ་ཤེས་ལ
iiif viewer powered by OpenSeadragon
