| e-texts navigator |
| Wylie |
76a1 བསྐོར་ཤེས་ན།། བར་དོ་མེད་པའི་ཡེ་ཤེས་ཟང་ཟལ་འཆར།། ཞེས་གསུངས་སོ།། ཡེ་ཤེས་ཐིག་ལེ་ཟང་ཐལ་གྱི་རྒྱུད་ལས། ཐིག་ལེ་བཙན་ཟབས་སུ་བསྟན་པ་དང་འོད་གསལ་འཁོར་ལོ་བསྐོར་བའི
76a2 ལེའུ་སྟེ་བཅུ་པའོ།། །། དེ་ནས་ཡང་བཀའ་སྩལ་པ། སེམས་དཔའ་ཆེན་པོ་ཉོན་ཅིག། ཡང་ན་རྟགས་ལ་ངོ་སྤྲོད་འདི་ལྟ་སྟེ།། རྩ་ཡི་རྩལ་པོ་ཤེལ་གྱི་སྤུག་མ་ཅན།། ཉི་མ་ཟླ་བའི་ནང་ན་ཟུག་ནས་གནས།། དོན
76a3 གྱི་ངོ་བོ་ཐིག་ལེ་ཆོས་མིན་སྐུ།། གངས་རི་བརྩེགས་པའི་གནས་དང་འབྲེལ་བ་ཡི།། ནུབ་དུས་འཆར་དུས་ཐིམ་དུས་མ་ཤེས་ན།། ཆགས་སྡང་བློ་ཡི་ཡུལ་ལས་འདའ་མི་སྲིད།། སྐྱེ་བ་གཅོད་པ་གནས་པ་གསུམ།། འདུ
76a4 འབྲལ་མེད་པར་འཁོར་བའི་རྩལ་དུ་འཆར།། དེ་ཡི་རྩལ་དུ་དབུགས་ཀྱི་འགྲོ་འོངས་ཀྱང་།། གསུམ་དུ་བྱུང་བས་སེམས་ཀྱི་རྟགས་སུ་ཤར།། གངས་རི་གཉིས་ལ་ཡོབ་ཆེན་ལྟ་བུའི་རྩ།། སྙིང་དང་རྩ་ཡི་བར་ན་གོང་དང
76a5 འདྲ།། དེ་གཉིས་འབྲེལ་བའི་རྩ་ཡི་ནང་ནས་ནི།། འགག་མེད་ཐོགས་མེད་དབུགས་མེད་པའི།། ཟང་ཐལ་ཕྱོགས་མེད་འགྲོ་བ་ཡི།། གནད་ཀྱི་གདམས་པ་ཡིན་པར་མ་ཤེས་ན།། ཐིག་ལེ་ཉག་གཅིག་ཁས་ལེན་སྨོན་པ
76a6 ཡིན།། དགའ་རབ་རྡོ་རྗེའི་རིག་པའི་གསང་ལམ་དང་།། རྡོ་རྗེ་སེམས་དཔའ་ཡེ་ཤེས་གསང་ལམ་དུ།། ཀུན་ཏུ་བཟང་པོའི་ཐིག་ལེ་ཆོས་མིན་སྐུ།། ཐག་ཆོད་དོན་གྱི་ཡེ་ཤེས་མ་ཤར་ན།། དཔེ་ཡི་ངོ་སྤྲོད་ཚིག་གི་ན་ཡ
iiif viewer powered by OpenSeadragon
