| e-texts navigator |
| Wylie |
74a1 རང་སར་གྲོལ།། སྦྲུལ་གྱི་མདུད་པ་ལྔ་མདུད་འདྲ།། དྲི་མས་དྲི་མ་འཁྲུ་བ་དང་།། ཀླུས་ཀུས་ཀྱུས་ཀུ་འབྱིན་པ་ལྟར།། དུག་ལྔ་ལམ་དུ་ཕྱེར་བ་དང་།། དུག་ལྔ་ངོ་སྤྲོད་བྱས་པ་ཡིས།། ཡེ་ཤེས་ཟང་ཐལ་ཁོང
74a2 ནས་འབར།། ནམ་མཁའ་དག་ལར་རལ་གྲི་སྐོར་པ་ལྟར།། དུག་ལྔ་ཕྱོགས་མེད་རང་གྲོལ་གྱིས།། སྲོག་གི་སྤུ་གྲི་སོ་བརྡེབས་ཀྱིས།། བདག་གསོད་གཞན་སྒྲོལ་ཤེས་པར་བྱ།། ཉི་མ་ཟླ་བའི་རྟ་ལ་ཞོན།། ཐོག་གི་ཟླ་ནི
74a3 བརྡེག་པར་བྱ།། གློག་གི་ཞགས་པས་བཅིང་བར་བྱ།། འཇའ་ཚོན་ཕུབ་ཆུང་སྟན་དུ་བཏིང་།། ནམ་མཁའ་སྟོང་པ་གོས་སུ་གོན།། རླུང་གི་འཁོར་ལོ་གོང་དུ་བསྐོར།། དམིགས་པ་ཅན་ལ་འཕྲེང་བར་བྱ།། སྣང་གསལ
74a4 རལ་གྲི་ཕྱག་ཏུ་ལོང་།། སྐྱེ་འགྲོའི་རྩེ་ཤིང་གཅད་པར་བྱའོ།། ཡེ་ཤེས་སྟོང་གསལ་ཆེན་པོ་ལ།། ཐུགས་རྗེ་ཉི་མའི་སྙིང་པོ་ལྟར།། ཐམས་ཅད་སེལ་བའི་འོད་པོ་ཆེ།། བདག་གསོད་གཞན་སྒྲོལ་ཐབས་ལ་མཁས།། བྱང
74a5 ཆུབ་སེམས་དཔའ་ཤེས་རབ་དག་པའི་རྡོ་རྗེ་སེམས་དཔའ་ལ་ངོ་སྤྲད་པའོ།། ཞེས་གསུངས་སོ།། ཡེ་ཤེས་ཟང་ཐལ་ཐིག་ལེའི་རྒྱུད་ལས། དག་པ་འཇིག་རྟེན་པ་བསྐང་ལ་ངོ་སྤྱོད་པའི་ལེའུ་སྟེ་དྲུག
74a6 པའོ།། །། དེ་ནས་ཡང་བཅོམ་ལྡན་འདས་ཀྱིས་རྡོ་རྗེ་སེམས་དཔར་སྐུ་སྤྲུལ་ནས། ཉིད་ཀྱིས་ཉིད་ལ་བཀའ་སྩལ་པ།། ཡེ་ཤེས་ཆེན་པོ་ཟང་ཐལ་ལ།། འདུས་བྱས་དག་གི་སྒྲ་མི་འཇུག། རང་སྣང་གསང
iiif viewer powered by OpenSeadragon
